今日無所事事出咗彎仔攞返啲嘢，攞完好早諗住睇下有咩嘢食，點知行行下見到間凍肉館，行入去睇下有冇雞軟骨，而家好少地方買到，連呢間都買唔到，見有啲嘢都好平就樣樣買些少，鰻魚，青口，pizza，薯餅同無骨鳳爪，無骨鳳爪成2kg都喺75蚊，家姐最愛成日喺出面買，一盒仔都要過百，一次過整哂順便攞比家姐試，跟住喺附近買咗包香茅檸檬葉同南薑包都係十蚊，買咗太多就搵車回家，回家先自己簡單煮個麵食，首先將嗰包無骨鳳爪解凍，跟住用薑同酒出咗水之後就搵凍水降溫然後將其他配料用熟水洗乾淨之後切碎再加埋啲蒜蓉然後就加醋加魚露加少少糖試啱味道，就加埋啲鳳爪入去浸佢兩個鐘就已經可以食得，晚餐攞咗少少出嚟啲女都話好好食
先將鳳爪解凍
解凍後用鹽水浸5分鐘左右可去雪味先用薑煲滾啲水加鳳爪同酒，再滾起就搞掂
倒出嚟去水，最好用冰水浸就會爽口
配料用熟水洗淨切碎連埋一個蒜蓉搞碎
加白醋，魚露同糖
試味後就可以放入鳳爪撈勻
放入雪櫃凍一凍更好味
呢個青口話可當湯
