對打算看潛水之旅遊記的 Blog 友們, 我又要講聲唔好意思了, 再要吊一吊大家的癮. 因為我這晚半夜便會出門, 趕上 0600 的飛機前往奧地利, 進行第一次正式的 7 days Skiing Trip !!
我以往都有玩過滑雪, 但都多是以 day trip 形式, 要一連七天留在雪山之中天天滑, 還真算是第一次呀 !! 有看過我之前為此旅程而參加的 1 day snowboarding course, 就知我玩起來是一點都不錫身的, 所以同事們千叮萬囑我要 come back in 1 pc, 甚至恐嚇我即使有任何 "意外" 都不會得到病假, 以提示我要保重身體, 平安回來 !
相信大家好耐冇見過四葉同阿 Jun 了, 就連剛過去的 Christmas & New Year, 他們都没有出場, 來到農曆新年, 就讓他們反斗一回吧, 順道跟大家拜個早年嘛 !!
四葉 : 你地估下我係度做乜 ? 呢個位置好暖笠笠架 !
四葉 : 其實佢係我的新朋友, 賀年兔 !! 來年係兔年嘛, 佢咪借機出來玩玩, 順道來探我囉.
四葉 : 兔兔, 我可唔可以再坐上你度呀 ?!
四葉 : 好野 !! 毛茸茸, 又軟冧冧, 仲暖笠笠添, 真舒服呀 !
四葉 : 阿 Jun !! 你睇下兔兔同你一樣, 有著長長大耳朵架 !
阿 Jun : 我又要坐, 我又要坐 !!
阿 Jun : 嘩~~ 真係軟冧冧架 !! 呵呵 ~
四葉 : 哈哈哈哈哈 …. 阿 Jun 你責住我啦 ~~~~
阿 Jun : 好玩呀, 好玩呀 !!!
四葉 : 呵呵呵 … … (玩到興奮得滯, 傻左) … …
四葉 : 我先係呢度祝大家 "恭喜發財, 花開富貴" !! 阿 Jun, 阿 Jun, 到你啦 ~
阿 Jun : 好呀 ……. Er …… "常滿" ?! 呢個唔係貼米缸架咩 ?!
四葉 : Hehe … 仲唔整蠱到你 ?!
阿 Jun : 咁點呀, 咁點呀, 講乜同大家拜年喎 ?! 咁用番第一張揮春, 祝大家 "大吉大利" 啦 !! 呵呵 ~~
