Weekend 才到唐人店買回家的 3 個白蘿蔔, 卻要到今日放工後, 才有時間去整我的蘿蔔糕 !!
第一次整蘿蔔糕是在中學時代, 之後依稀記得只整過 1 or 2 次, 由於黎緊的 weekend 會出門拜年, 但又唔知買什麼上門才好, 那就不如在網上找一找蘿蔔糕食譜 (原食譜列在引用), 整番 2 底來自用 及 送客好了 !!!
食材我用了 : 白蘿蔔 1.8 kg, 冬菇 7 隻, 臘腸 3 條, 蝦米 1.5 湯匙, 粘米粉 300g, 蔥粒少許, 芝麻少許
白蘿蔔要先去皮刨絲, 可憐我家中只有個用黎刨芝士的, 所以出來的白蘿蔔係好幼細, 但我就刨到手軟了 !!! 白蘿蔔絲要用篩盛好, 而隔出的蘿蔔水則留下備用.
另外, 先將臘腸, 冬菇 及 蝦米切粒, 炒香, 放在一邊備用 (另外記得留下一些之後放糕面).
跟著炒白蘿蔔絲, 下雞粉及糖去調味 (家中没有胡椒粉呀 !!!!), 由於我隔水隔得太乾身, 為怕炒炒下黏底, 我就倒了一些冬菇水下去炒, 當白蘿蔔炒到變軟身後, 就可以加埋配料粒炒勻.
用蘿蔔水 (大約 200ml 左右) 開了 300g 粘米粉, 拌勻後加入炒好的蘿蔔絲中, 快手搞勻. 同朋友借來的糕盤, 預先掃油, 再倒入蘿蔔糕, 掃平糕面後 , 洒上之前預留的配料粒. (我係一開二, 足以整了 2 盤)
P.S. 我覺得可以再用多一點水來開粘米粉, 蒸出來的糕略微乾身了點 !
最後每盤用大火隔水蒸了大約 40 mins. 我搵晒全屋, 都只係搵到個冇蓋大鑊去蒸糕, 無奈下唯有用錫紙包住當係煲蓋啦 !!!
蒸好立即酒上蒽粒及芝麻, 咁就搞掂了, 2 底糕前前後後大約花了 2 小時左右, 都算快手啦 ?!
引用自：http://irenechanwai.mysinablog.com/index.php?op=ViewArticle&articleId=113109
