雖然是聖誕節, 但身處外國的我, 放假時比較愛在家中煮中菜, 特別是一些較費時去準備的菜式.
本來想跟 T&P 的食譜炆牛腩, 但買不到合心水的柱侯醬, 那就跟通少學整清湯牛腩啦 !! 大部份都是跟據原食譜所介紹的, 只是改了少許材枓 及 用了真空煲來炆, 没辦法啦, 要慳下電費嘛 , 鬼叫呢排要成日開 heater 咩 …
材料我就唔重複了, 可以由"引用"去通少的 Blog 睇睇, 煮法就跟以下相片啦.
1. 整件牛腩先用薑及蔥來出水, 再用凍水洗淨.
2. 爆香薑片 及 蒜頭, 放入牛腩, 贊酒, 加入水, 八角, 冰糖, 雞粉 (我冇用牛清湯), 水要加至蓋過牛腩. 水滾後即放入真空煲, 咁就唔洗煩啦, 可以出街了 ! 這一炆, 我足足炆了6 小時直到晚飯時間.
3. 晚飯前, 我將切好的白蘿蔔放入, 開爐重熱至水滾, 放回真空煲中再炆 半個小時.
4. 將牛腩整件取出, 切成片, 重入湯中灼灼, 就連蘿蔔一起上碟 !
5. 我仲用牛腩的湯煮了一碗生麵, 嘩 ! 呢餐仲唔夠港式 – 牛腩麵呀 !! 這道菜出來效果很好, 一點也不會韌, 而且很入味, 只嫌下冰糖重手了, 所以偏甜了點. 食譜很簡單, 只是要花點時間去炆, 但絕對值得的 !!
P.S. 由於買了成 kilo 牛腩, 吃不完的就放回湯中, 等再入味多點, 打算 Boxing Day 帶埋去朋友家, 那又會多一味餸了 !
引用自：http://hk.myblog.yahoo.com/jw!zf0tKkKZFRvuWdqiVASCwBYDpw–/article?mid=35086
