早排媽媽過黎探我, 帶了 2 本我係 HK 間唔中都會睇的新假期, 其中搵到這個蝴蝶酥食譜, 真係好鬼簡單, 整黎試試先 ~
其實都冇咩要預備, 只要家中有急凍酥皮 及 糖就可以了, 而在英國這些急凍酥皮都有分好幾種, 我就買了 rolled pastry sheets. 打開那個卷狀酥皮, 洒上糖 及 用手輕輕壓實, 反轉再洒糖, 再壓實.
先為酥皮搵出中間線, 我本來打算每邊只作一摺, 但看落覺唔得夠靚, 所以影左相後就改為兩摺, 但要留意為中線留位 (如下圖), 因為左右邊在二摺後會變厚, 如果唔留位, 當兩邊對摺起時就會好易扯破酥皮架啦 !!
將酥皮切成 1cm 濶, 這就是蝴蝶酥的厚度, 再將酥皮平放到焗盤上, 請為每隻蝴蝶預留空間來展翅 !!
食譜教用 180 度火來焗 25 mins, 但我發現我的焗爐唔夠熱, 要調到 200 度才令酥皮變到金黃色, 而且時間比預計多了 10 mins, 結果卻是不用翻轉再焗, 另一邊亦已變金黃色了.
=============================================
慘了 !!! 這晚意外地將整部電腦拉跌在地, 從此開不了機, load 了幾次 Window 及用 Recovery Disc 都不行, 怎麼辦呀, 我還有不少 files 留在電腦內呢 !!! 昨晚用了 2 小時排好的相片, 全没有了, 白費了心機, 幸好還有原相 back up, 不過我又要重新再排一次了 ~
