由 漂泊中的魚 於 2009-03-08 00:00:00 發表 | 累積瀏覽 435
完成了 Bike Tour 後, 運動完又飲了少許酒的我, 開始感覺到了肚餓啦 ! 正打算去搵食, 不過問題來了, 剛剛錯過 lunch time, Malaga 的大小店舖開始了午休, 正式午餐又唔係咁吸引到我, 說食 Tapas 嘛, 又未有 idea 喎, 結果於 Marqdes De Larios 購物大街上, 找到了一家人流非常旺的"茶室" !
說是茶室嘛, 因為裝修簡單又帶點舊, 看來非常出名雪糕及凍飲, 人流不絕, 不懂西班牙文的我真有點不知如何開口, 不過要點一個雪糕都唔係難的, 用手指下加簡單英文, 終於吃到了一個香濃朱古力味的雪糕球了. 可惜丫, 我還想試那個左溝右溝的雪糕飲品, 看來我要盡快學西班牙文了 ~
這天剛好有個 Farmer's Market 在舉行, 所有的攤位主人都是從附近山區來的, 帶著這一期的收成來到市集擺檔, 一講到食物, 我梗係會去逛下, 看看有冇未見過的, 順手同當地人傾下計, 我想總會遇上懂英文的人吧 !
我一邊逛, 一邊玩試食, 其中一位檔主婆婆堅稱有我唔會食過的 marmalade, 不過試了一下, 味道有點似 Quince, 不覺得太特別. 另外我還發現有蕃鬼荔枝賣呀, 我一口氣買了 4 個, 好甜好多汁呀 !! 如果可以運番 UK, 我實成箱運走呀 !
這兒天氣非常好 (比起英國, 一邊天堂一邊地獄呀 !), 到了11 月尾還是不太冷, 我繼續步行之旅, 沿著 City Hall 後山的小路, 一路往山上的 Castle - Monte De Gibralfaro 走去, 由於天氣唔太熱, 山路雖頗長卻並不辛苦, 而且山路沿途景色不錯, 這樣慢慢地一層一層的慢慢攀升, 由這兒眺望山下的 Malaga City 及 Harbour, 黃昏景色必定很美, 所以我決定回程還是要走這一道 !
