由 漂泊中的魚 於 2008-08-26 00:00:00 發表 | 累積瀏覽 508
早睡早起, 精神卻不見得特別好, 離開 YHA , 先到附近的 cafe 來杯 wake up cappa, sunday morning 清清閒閒, 人流唔多, 享受完一杯暖暖的 coffee, 才施施然開車離開 Borth.
走在狹窄而又于迴曲折的 country road 上, 不停上山落山, 沿途經過一片又一片草地, 轉頭爬到上山頭的 view point, 俯瞰山下的小村. 期間不時經過火車路軌, 有些係平常的客運火車, 有些卻係景點蒸氣小火車, 觀光用的 ~
來到是日景點 – Devil's Bridge, 就係因為呢個名, 吸引到我地到此一遊, 可惜剛泊好車就下起大雨, 本以為只要等一下, 雨下過了便可以出發, 點知好戲在後頭 … …
Devil's Bridge 除左出名係條橋之外, 仲有橋下一條 river 由於落差太大而型成的 waterfall. 呢個景點有少少 Tricky, 右手邊的係入場 for waterfall walk, 反而望得條橋唔係太清楚, 呢邊入場費係 3.5 pounds. 左手邊的係就可以睇得清楚 d devil's Bridge, 入場費就 1pound. 而我地選的係貴的行程 …
呢個 location 真真正正係有 3 道橋, 傳說 Devil 所起的係最底的一道小橋, 後來當地居民再係之上起多了 2 道, 最上的一道就係現今行車行人的那一道啦, 所以由 Platform 望去, 見到有三層架 !!
之後跟著 path 一直往谷底走, 慢慢就會走到河的下游, 途經一道非常斗斜的石級叫 Jacobs Ladder, 由於太斜, 為防遊人滑倒直接滾下去, 中間安裝了一行行扶手, 如果真係滾下去, 會唔會好似波子機咁彈黎彈去呢 ?! 落到谷底, 慢慢再沿著瀑布向上游走, 此時雨又再越下越大, 還没有停止的傾向, 四周無處可避雨, 唯有雨中繼續向山上走, 回到 carpark 時已經全身濕透 ….
離開 Devil's Bridge, 再次向西北方向海邊出發. 途中又見到 Sunday car boot market, 本著襯熱鬧的心態. 我地又跟著車隊排入大草地 …
大約 Lunch time, 我地又再次回到海邊, 今次的小 town 叫 Aberdyfi, 呢度有的唔再係石灘, 而真係沙灘呀 !!!! 而呢一刻, 天空終於再次放晴, 我再次見番藍色的天空啦 ~
長長的沙灘上, 有著各種各樣的水上活動正在進行, 但我發現到最有趣的活動, 卻是發生在碼頭邊的. 碼頭的欄杆上, 有著一排又一排的小朋友在正垂釣, 用的唔係魚排, 而係繩排, 餌唔係沙蟲 or 蝦, 而係雞肉 / 魚肉, 咁究竟佢地係度釣咩呢 ?! 原來係釣大約小童手板般大小的蟹仔, 期間遇到一位母親, 問起他們釣上來後用有什麼用途, 她說沒什麼用處, 多數放回大海之中 ….
下 !! 咁就玩了一整天, 真係有趣, 令我想起以前係 Australia 住時, 我都有試過半夜到碼頭捉蟹, 但捉上黎的足足有一隻手臂那麼長, 肥美到可以直接回家弄個薑葱炒蟹 !!
