由 漂泊中的魚 於 2008-09-17 00:00:00 發表 | 累積瀏覽 481
Day 8 晚上, 摸黑到達 Franz Josef 的村落, 於當地 YHA 先過了一晚 !! 連續 2 日我都會留在 Glacier Area, 以往旅行時, 行程上總是與 Glacier 錯過了, 即使到過 Norway, 亦只可遠觀一片灰黑的小型 Glacier, 是以一直非常渴望到走到冰藍的 Glacier 之上, 今次終於有機會啦 !!
Day 9 清早, 天氣良好, 開著車剛轉出大路, 便見前路的一座雪山 !! 心情相當興奮, 呢日會先到 Fox Glacier, 原本三人行的我們參加了 Ice Climbling Adventure, 這個 Tour 要至少 2 人才成行, 現在只淨下我一個, 要到了 Base 才知道會否有其他人加入令 tour 成行 !!
由於這個 Tour 比較多裝備, 比其他 tour 的集合時間還要早, 當我到達之時, 整間店相當清靜, 問了一下 Reception, 知道還有一位男士會加入, 亦即此團可以成行了 !! 由工作人員指引下, 見到了 2 個 tour guides, 1 男 1 女, 剛好我地呢 2 位"遊客"又係 1 男 1 女, 呢個 tour 由 1:4 變成 1:1 啦 !!
嘩 ! 講到裝備, 還相當的多, 由頭到腳有 : 頭盔, Cap 帽, 手套, 抓毛外套, 雨衣, 保護腳套, 行山襪, 行山鞋, 套鞋雪抓, 安全繩扣, 雪鑿, 連埋自備的午餐及水, (仲有阿 Pooh) 全塞進大 backpack 內 !! 老實講, 未行山只背著呢個 backpack, 已經覺好重, 更何況呢對借的行山鞋頗唔合適, 要多少少時間適應 !
坐到 Van 內, 由 Guides 開著車往 Fox Glacier 去, 同行的男士, 典型外國男子, 高高大大, 原來亦是玩開各種戶外活動, 看來這裡體能最差都可算是我了 !! 由停車場走到 Glacier 之上, 要走大約個半小時上山的路段, 背著重重的 backpacker, 開始之時我確實不如他們般輕鬆 (連我都感覺到 tour guide 有點輕視 !), 但後段 warm up 過後我就 pick up 到速度, 可算没有失禮人 ~ 呼 ! 叫你地睇少我丫拿 !
好不容易來到 Glacier 之上, 先要為雙鞋上套上雪抓, 並適應如何用其踏實於冰面上, 技巧並唔難掌握, 只要懂得平衡及相信你對腳就可以了 ! 到了 Glacier 之中, 2 位 guides 開始四處找尋適合的冰牆讓我們學習基本技巧及練習如何爬冰牆, 雙腳雙手就係重點, 正確黎講係腳上雪抓的前四個勾 及 手中 2 把斧頭, 而你 partner 就係你的救命繩 !
終於走到冰牆之下, 先由我 partner 開始, 由於我地體形相差太大, guide 要幫我加多條固定索 (我叫佢做狗帶 !), 因為如果我 partner 失手掉下, 佢的重量會將我成個扯埋去撞落牆, 而佢亦會因為冇人截停而活生生跌落地 ! 我地每人輪流玩一次, 基本上我爬上去係完會冇問題 (從來爬野都唔係問題 !), 但到落地就不知為何找不到平衡點, 時常撞埋牆, 即使我照足吩咐, 平躺跟冰牆成 90 度, 以腳作防為地踩離冰牆, 還是出問題 (我有懷疑過係 partner 游繩游得太窒所致 !), 結果爬上去没事, 下山卻撞到成身瘀傷 !
以我只顧玩, 唔理傷的性格, 我地每換一道冰牆 (前後換了 3 – 4 道冰牆, 有些玩 2 次, 有些可以玩 3 次, 因為有些 Location, 只要移過一點就換成唔同難度 !!), 我都照樣上場, 個位男士玩左幾多次, 我就玩足咁多次, 連 tour guides (我想佢地都估唔到我玩到咁耐 !!) 都忍不住讚我地可算新丁之中, 一日內爬得最多次數者之一 !!
其中有一個地點, 是先吊落由 2 片冰型成的小狹谷中, 再慢慢爬上去, 這個頗好玩, 入到谷中就只有我一個, 要是我唔爬番上去, 佢地都冇我符 !! 這道冰牆我都爬了 2 次, 為的是再練習一下下山技巧, 不要以為 Ice Climbling 這樣重重覆覆好悶, 其實真係好好玩, 手腳協調 及 適當的體能及膽量都要有, 最重要隨身帶著相機, 爬到頂點可以影番幾張相, 有些角度係 Glacier walk 影不到的 !
最後我跟阿 Pooh 及 2 位 Guides 影番張合照, 繼而帶著一身疲倦而又滿是瘀痕的身軀下山, 再坐車回到 village ! 不得不講句, 真係少點體能都唔掂, 身體有如散了一般, 瘀傷的程度是 6 日後回港, 2 腿上的紫腫 (唔係紅, 係紫) 還未消退, 模樣嚇得我阿媽都忍不住要責罵 2 句 !!
不過是日行程還未完, 有興趣請等睇下 2 篇啦 ~
=========================================
病倒了, 放大假前病倒了, 工作堆積如山, 如何放假前清理掉呀 ~
