New Zealand Trip Day 5 @ Queenstown – Part 1 White Water Rafting

Day 5 的朝早, 跑到 YHA 頂層的廚房, 煮番個簡簡單單的早餐, 好作為一天的開始. 嘩 !! 走到上黎先發現, 呢度竟然有個咁無敵靚景呀 !! 係咁的環境下, 呢個早餐真係食得太爽啦 ~

 

走出 YHA 不久, 就見到山邊有一道 Full Rainbow, 山頂上就係 Skyline 纜車站, 不過呢一朝早, 我地行程目標係去玩 White Water Rafting ! 我地先走到大街的 Information Centre 登記, 順手俾埋尾數, 問明地址之後, 我地決定自己開車到 Rafting Station, 方便我地之後去其他地方玩嘛 ~

睇左天氣預告, 呢日天氣麻麻, 加上早幾日落過雨, 令我對河水的水流有番咁上下期待, 話明激流, 唔激邊好玩架 !! 落差越大, 水流越急, 咁的激流就越好玩 ~

 

到了 Rafting Station, 大家先要換裝備 & 取配件, 潛開水的我, 竟然對住 2 件頭的 5 mm 都搞錯底面來穿, 真係失禮死人呀 !! 係陸地上著左呢 set 野, 真係有苦自己知, 焗到呢. 咪以為咁就可以落水呀, 我地仲要先上一架後面綁了 4 隻 Raft 的 Van, 於一條又窄又崎嶇的山路 (Historic Skippers Road) 開了差不多大半小時, 沿途可謂十分驚險, 司機只要反應 or 經驗差少少, 都分分鐘出意外, 可以講唔玩 rafting 齋坐呢一程路都值得一去架 !! [ 此路段大多單程險路, 有告示版寫明有些 Car Insurance 係唔包的, 建議只可四驅進入, 遇著 2 車相遇, 都唔知點先可以互相避開駛過呀 !! 於旅遊書上寫, 當地有 local 4 wheel tour 去呢度的 Day Trip 架 ~ ]

由於會落水, 我地都事先將 DC Lock 好, 但我有部 Lomo waterproof 的青蛙仔相機 (魚眼仔阿哥), 又實淨又耐撞, 我帶住佢都玩左唔少水上活動 (包括上次 Rafting 同 Kayaking), 今次都帶著佢出發 ! 影左好幾張沖流相, 不過冇轉成 Digital, 放唔到上黎 ~  成個 Rafting 都算 OK 啦, 落差位唔算多, 最刺激都只係得 2 / 3 個, 而且只玩了一個上午, 稍為嫌弱了點, 我於 TIC 睇中了一個 Heli - raft 的 trip, raft 足 3 日架, 下次再去 NZ 必玩 ~ 

 

玩完 Rafting, 終點重回到 Rafting station, 沖了個暖水涼, 換過衫, 一邊飲住熱飲, 一邊欣賞河邊的 Jet Boat 表演. 本人對呢樣野真係冇乜興趣, 只坐於快艇上, 於河面飛馳十多分鐘, 而且價錢一點都唔便宜, 所以我地都冇玩, 還是觀賞一下算了 ~ 

 

由於剛剛坐 Van 去 Rafting 起點時, 沿途經過了一個風景非常美麗的山谷, 我地決定離開 Rafting Station 後, 隨即沿路而去, 竟然到了往天空的路上 ?!

原來一直往山上走, 就會上到 Coronet Peak, 一個冬天的滑雪 Resort, 不過正值夏天, 見不到滑雪的, 卻有不少人玩 Mountain Bike. 而且由 view pt 望見山下一流的景色, 將山下平原, 河流, 甚至 Queenstown 的 Lake Wakatipu 都可望見 ~

感謝 漂泊中的魚 提供以上資料
漂泊中的魚的網誌 http://traveling-fish.tixmart.org/