第七天, 我們吃過豐富的自費早餐, 開著車離開 Plitvicka Jezera National Park 範圍, 今次選了走山路, 沿途滿是山村風景, 大片大片青草地之中, 藏有盛開的黃菊花. 風景雖然不錯, 不過千其咪行錯路呀, 我地中間路經的一段山林路時, 時不時見到一個骷髏頭警告牌出現, 剛開始只以為附近下了農藥 / 老鼠藥, 睇清楚, 竟然發現大大個 "MINES" 字, 我估唔識本地文字, 英文都應該看得懂吧 …. 哈, 真係有點意外喎… 但諗下佢地打左咁多年內戰, 有地雷又唔出奇的, 唔知生活係呢度的啤啤熊會唔會被炸中架呢 ?!
當經過一些小村時, 間中會見到小屋對面有一個木架及小食物櫃, 這些就係 Local 賣自家製 Cheese 的地方, 我地忍不住想停低影張相, 剛停好車, 小屋的主人就已經走出來, 既然係咁, 我地不如買番一輪芝士作手信吧, 我想自家製品, 好唔好食都值得一試喎 !! 再一次證明, 語言有限, 但 Body language 就萬試萬靈, 選了一輪好香好濃 smoke 味的芝士, 交低 80 Kn 就走了 ~
跑完山路重回到 Highway 上飛馳, 直接開往 Rijeka 方向, 我地決定放棄晒所有大 Town/ City, 改到 Opatija 北面的小村 Volosko 作中途站, 海邊小 Town 萬歲 !! Volosko 除了有海景, 有好幾間古舊特色房屋, 還有幾間出色餐廳.
村內只有一條單程路, 最好入到村口時就要找 Parking, 不然越入越難搵到位置. 小村範圍不大, 11 號巴士可以行遍, 有一條海邊行人路似乎可以連著到下一個大 Town – Opatija, 但我地並没有走完全程. 如果有心到 Opatija 走走的話, 可以泊於此小村, 因為稍後我地曾想停於 Opatija Centre, 但發現十分難找到 Parking 而放棄 !!
先講大海 : 水清見底, 連海底的小魚及珊瑚都清晰可見, 令我非常想下水, 甚至潛水 ….
小村內的樓房 : 有古舊得黎好有味道的民房, 有翻新過變得顏色鮮艷的 Hotel, 有可望見無敵海景的海邊大屋, 仲有古人住過的精緻古宅.
餐廳 : 小村碼頭附近有好幾間餐廳, 而我地選了舖位最大, 位置正中的一間解決午餐. 此餐廳看來很有來頭, 顧客比較多, 人流亦很足, 既然係咁, 今次請了四葉妹妹來幫忙作 model !
剛坐下不久, 頭盤已經自動送上, 今次的是用墨魚汁煮的小米飯, 是暖暖的, 口感有如薏米, 吃過一口就不能停下.
餐牌真的十分吸引, 有很多不同種類, 但最重要的是, 有很大部份的餸菜是此餐廳歷年發明的 Signature dish, 所以有點不知如何決擇 …
終於我地選了的 Main course – 分別有我叫的 Shell on Shell - 即貝類海鮮 on 自製的貝殼意粉, 味道濃郁, 意粉好有咬口, 少有做得很出色的 Pasta Dish. 老表的是三色鮮蝦意粉 with 松露 (我唔記得左菜名啦), um … 松露唔係好吃得出它的美味, 但意粉依然出色 !
最後, 我地今次終於點了甜品, 可算 Croatia 的唯一一次, 確實此店的 Dessert menu 十分吸引且多選擇, 而實際食品同樣出色, 點了一個朱古力 3 寶 .. (haha !!) 同 Lemon Vodka Sobert, 尤愛後者, 非常 re-freshing 的飲品, 但會令人越飲越醉, Driver 可免則免了, 四葉你都唔可以呀 !
