由 漂泊中的魚 於 2008-02-12 00:00:00 發表 | 累積瀏覽 565
呢日去左睇回港後第二場音樂會, 今次的主角係林一峰 ! 一向都幾喜愛聽佢唱歌, 特別鍾意佢唱 Live 時所表達的感情, 今次的音樂會所玩的音樂元素同類型好似比以往多 , 比起佢一人一結他又有另一種趣味, 而且舞台只以一幅白磚牆做 background, 用投影機將唔同的景物打上去, 簡單得黎又令舞台唔會太過單調.呢個音樂會入面, 佢除左主唱佢新碟的歌之外, 佢再次唱了 "重回布拉格" 同 "離開是為了回來", o係佢以前的音樂會 CD 中, 呢 2 首係我最喜愛的, 今次終於係 Live 度聽到, 依然動聽, 依然感動 …
睇完音樂會. 照舊走到九龍塘食 Dinner, 呢次我地試呢間 "新城潮州飯店" 打冷, 叫左 胡椒豬肚湯, 煎蠔餅, 鵝片, 大腸拼鵝腸 同 蠔仔粥. 豬肚湯略為咸左 d, 但胡椒味就真係好夠! 蠔餅即叫即煎, 熱辣辣非常香口, 蠔仔新鮮又飽滿, 好好食 ! 鵝片一貫都係咁, 冇乜特別, 但碟底的豆腐就好入味, 反而有 d 驚喜喎 ! 大腸拼鵝腸, 唔識形容, 一句講晒好味 ! 蠔仔粥係咁多樣入面最出色架, 料足之餘, 粥底好夠味, 蠔仔又鮮甜, 嘩! 平時唔好潮州粥的我真係食唔停呀 ! Overall, 呢餐食得好滿足, 十分值得再去 ! 之後我地行去隔離街買甜品番屋企, 咁食法真係唔怪得番 HK 會增磅囉 ………
