去完威尼斯人行完街, 食完飯, 我地就開始無目的澳門一日遊, 講真就只係去細佬的住處同工作地方睇下咁, 不過中途我地都有去路環食熱辣辣的葡撻.
細佬住o係氹仔, 嘩 ! 係露台係可以望番去葡京同澳門旅遊塔, 如果天氣好, 個 view 都唔錯架, 可惜呢日的又氣真係差到 …. 一片迷濛, 乜都睇唔到, 真係令人失望呀 !! 不過當去到夜晚, 所有霓虹燈亮起時, 就真係好靚啦 ! 咁o岩呢期係新年假期, 澳門有某些地區有劃為可燃放煙花區, 係細佬屋企附近同葡京對出的海邊都係, 嘩 ! 真係好鬼嘈架, 不過影出黎真係幾靚架 … 以下係我拍下的幾張相 ~
到左晚餐都成 10:00 幾囉, 鬼叫午餐食到咁飽咩, 細佬帶我地去左氹仔一間叫峰景餐廳度食, 呢間野 menu 只得幾樣野架咋, 最出名就係蟹粥 同 鯪魚球, 另外我地再叫左個粉絲蝦煲 同 炒菜, 味道唔錯, 份量又足, 價錢可以話幾抵食. 呢間野位處放煙花區附近, 所以玻璃窗外完全可以見到煙花, 一邊食住飯, 一邊睇下煙花, 都幾唔錯喎 ……..
