終於番到 HK 啦 !! 星期六一番到 HK, 就即時叫細佬黎機場車我番屋企換衫, then 入屯門食飯, 因為今晚係婆婆的壽宴, 我幾趕幾攰都要趕去啦, 當然見下各位親朋戚友都係開心的 ~
經過過 2 日時間, 總算搞掂個 Jet Lag 啦 ! (半夜 4;00 訓, 12noon 起身, 算唔算搞掂呢 !?) 第一件約朋友去的活動, 係睇 Kary Lady K 演唱會. 自問唔係佢 fans, 但總算聽過亦幾喜歡佢的歌, 搵到朋友陪咪決定睇下呢個 Show ! 我係未去過 Star Hall, setting 同紅館都幾唔同, 不過反而似外國場, 只係冇 standing area o者. 成個 Show 都幾 entertaining, Kary 唱 live 係有少少意料之外地好 (唔好怪我, 我的印象仲係佢 2 年前唱 Live 的水準), 加上有 2 part dance songs, 佢又唱又跳仲夠氣, 令現場真係更有外國 Feel, 同場有側田同古巨基做嘉賓, um … 係咪叫抵 d 呢 ? 咁又唔知喎.. 我只係有 d 好奇, 因為我未試過現場聽佢地唱歌囉. 鬼咩 ! 長年係外國, 番親黎都未必遇到想睇的歌手開 concert.
另一個覺幾靚係佢個台簡單, 燈光都幾靚, 最好玩咪佢個大 Screen 囉, 有晒 anime 同 visualization 咁. 係呢度 Share 下佢個台, 順手試下細佬架相機嘛 ~
