由 漂泊中的魚 於 2008-01-06 00:00:00 發表 | 累積瀏覽 403
你地估下呢度係邊黎 ?!
尋日係阿媽 last day in UK, 夜晚機, 所以 daytime 就同佢去左南邊 Bristol, hae 埋大半日先再送佢去機場 ! (就係咁, 本來有件重要事要做, 點知完全冇左回事, 慘啦, 聽日番去實俾老細話啦 ~ )
Bristol 早排 Summer 都有去過, 睇埋熱氣球節, 所以今次純粹帶阿媽行下, 冇乜影太多相 ! 不過中途係廣場的一棵樹上, 見到好多對鞋呀 !! 唔係係咪早排 Christmas / New year d 人醉左 or high 搞出黎的呢 ?! 真係幾搞鬼喎 ~
夜晚送阿媽去 Heathrow 機場, 真係不知所謂. 係仲有 10 mins 車程距離的路上, 我地足足塞左個幾 hr, 佢由呢條路, 到 roundabout 到 tunnel 到機場門口, 通通塞死, 每次郁都只係郁到半個車位, 望到都去唔到先激死你 ! 佢塞車原因, 冇架, 只係因為人多囉 … 不過去過 Heathrow 的人, 應該知 terminal 1, 2 同 3 係好近, 所以沿路係同一條路, 而且 bus, drop off, carpark, 所有車都係用同一條路, 尋日的 T3 係爆晒的, 估 T1 同 2 都係架啦, 咁咪塞爆囉 ! 作為一個咁大又出名的機場, 又不停係度 expand 緊, 佢的交通 network 竟然冇跟住一齊 improve, 只係一個 after holiday 的人潮就令到佢癱瘓左, 真係唔可以接受 !
我地預計 6:30pm 到, 班機係 9:15pm, 我地 7:45pm 先可以去 check in, 個地勤話我地知已經開始 Broading, 咁我當然急急送阿媽入閘, 好在 Custom 排得唔算耐 ! 不過入到去, 仲要俾個 notice board 嚇多次, 明明仲 broading 緊, 佢竟然寫 gate closed, 阿媽仆到咁衝去 gate 度, 結果咪仲係要排隊等上機 ! 而我就係 carpark 塞番 30 mins 出去, 先可以上番 motorway 番屋企 …..
係啦 .. 第一張相就係 Heathrow T3 外表, 唔知搞乜整到咁的色 ?! Christmas ?!
