由 漂泊中的魚 於 2007-11-28 00:00:00 發表 | 累積瀏覽 428
第二朝我地一早出發, 真係撞鬼囉 !! 生日流流, 開車出門第一單野, 竟然係遇到警車封路 ! 仲要係大單野, 之前一晚係我地住的 Hotel 附近, 發生左單謀殺案呀 ! o個晚我地番 Hotel 之前, 仲走到附近買水飲添, 好在冇走遠咋 !!
雖然一早遇到單咁的野都幾驚, 不過我地冇放係心上, 一路向 Greenwich 的 O2 進發, 我地打算係度泊低架車一日, 跟住坐 Tube 入 City Centre, 不過一如以往, Weekend 的 Tube System 係十分唔可靠的, 特別係星期日 ! 我地因為 Jubilee 有 signal failure, 搞到站站停, 仲要左轉右轉, 原本 15 mins 的車程, 我地足足用左 1 hr, 一個朝用就將我的耐性耗盡 ~
O2: 前身係 Millenium Dome, 幾經轉變, 而家係 Exhibition Centre + Entertainment Complex
係 O2 的朝陽, 今日有太陽呀, 天氣算唔錯, 不過仍然係好凍 !! 英國真係越天清越凍架喎 !
幸好我地有遇鬆時間, 所以一連串的 delay 都無阻我地去第一站 – Marylebone Farmer's Market, 佢就隱藏係 High Street 的一個 Carpark 度, Size 比我想像中細呀, 但係乜食物都有 d , 價錢唔算平架, 但勝在新鮮 with dood quality ! 我本身係好鍾意去呢 d weekend market 的, 所以地方細細得黎. 我地都行得好 enjoy, 仲順手填飽個肚添 !!
Marylebone Farmer's Market, 每個星期日的 10:00am 開始到中午 !
熱辣辣的熟食, 我地叫左一盤試試, 件雞好嫩, 飯好好味呀 !!
小妹妹都食到津津有味 !!
呢檔係賣 Handmade Bread, 生意十分好, 客人不絕 !
我地要左個好鬼大個的牛角包, 架, 雖然唔係暖的, 但真係好鬆軟, 好好味 ….
重點黎啦 !! 呢當係海鮮檔, 你估下我地食左 d 乜 ?! (呢位伯伯好友善架 !!)
我地食左 3 樣野, 2 款 Oyster – Local 同 European, 仲有一隻大 Clam !!!
超級新鮮, 1 Pound 1 隻, 隻 Clam 真係食到我地讚口不絕呀 ~
係 Farmer Market 食個大半飽, 星期日的朝早, 又點少得去 Cafe 坐坐呢 !
呢間係一間好有歷史的旦糕店, 係 London 有幾間分店, 而我係呢度食埋我今年的生日旦糕啦 ~
飲飽食醉之後, 我就正式帶呢個朋友去行一個 London 觀光 Walk, 先由 Piccadilly 出發, 往 Green Park 方向行, 中途經過一個 Museum, 發現有個幾有趣的作品, 忍唔住將佢影低, 而之後係途中又見到另一樣 London 常會發生的事, Protest – 遊行 !! 我不禁對我朋友講, 你一日之內, 見識 / 經歷左唔少 London 的特色野啦 ~
