由 Cafe 行出黎, 係一個小 Square ! 呢個 Square 可能比較 isolate, 比較少人, 而呢度有幾間幾得意的店 !!
呢間係賣木偶的店, 店主好好人, 我地入去行左一 Round, 店主就出黎隨手拿一個玩俾我地睇, 仲叫我地隨便羅黎試 !! 我睇中左一個全木色 (冇上色) 的可愛木偶小丑, 冇錯, 係可愛 Cute 版黎架, 大約一隻前臂咁高, 2000 Kc !! 可惜我最後係冇買到架 !! 邊位去開, 可以幫我睇睇 ~ 唔該晒 !!
呢間鋪頭, 有去過意大利的朋友應該知道 / 見過, 佢係專賣木制玩具同埋唂咕鐘的 !! 我係去意大利的時候, 同過佢門口架電單車影過相, 今次就同佢個長鼻木偶影相啦 !!
Powder Tower (Prasná brána) - 呢座塔以前係用黎儲藏火藥的. 而家佢就咁樣係一座係條大街度, 遠望都幾得意架, 就好似其他地方的舊城牆咁, 倒淨呢一座城門.
係 Powder Tower 隔離, 係 Municipal House (OBECNÍ DUM). 呢座咁 Grand 的 Building 係一座 Concert Hall, Prague 每年都有好多 Music Festival 同 Events 舉行, 呢度係其中一個的場地.
係太陽下山時, 我地開始向 Charles Bridge (Karluv most) 行, 中間又經過 Old Town Square, 我就影下呢張黃昏景啦 !!
