咁又就快過左一年啦 !! 2006 年可謂我一生人最無所作為的一年 !! 呢一年無學無業, 一整年無所事事咁, 都唔知發生過咩事, 但又好神奇咁達成到我的心願喎 !!
1. 出國
一直以來我都唔許任何生日/新年願望的, 因為我從來唔信願望會無啦啦成真 !! 但係我舊年係 Sydney countdown 之時, 我係有對住 Harbour Bridge 許過 "我要去英國做野 !!". 我一直以為屋企都會堅決反對架, 但經過我的堅持同阿媽的支持, 終於我成功左啦 !!! 雖然我知好多人覺我"浪費"左半年時間係 HK, 但如果我唔用呢半年, 可能跟本冇機會走, 更何況我咁多年唔係屋企, 咪當陪下屋企人囉 !!!
2. 搵工
係英國經過 3 個月的搵工時期, 本來打定 2006 年係唔會搵到工, 一心等到 2007 再黎過啦 !! 就係 11 月我生日前 3 日, 個 Manager 主動打黎叫我去見工, 仲要一見完就話請我 !! 我真係好多謝佢架 !! 因為我真係第一次搵工, 仲要係一個人走黎英國搵, 當你 3 個月都冇任何消息, 話你知我唔擔心失望就真係呃你啦 !! 就係我最感到無助時, 就係佢俾機會我架 !! 我知佢係真心幫我的, 因為佢為左我呢個 Post 做左好多改動 !! 我會努力做好呢份工, 我都希望可以學到好多野 !!!
3. 搬家
我好細個已經好恨一個人搬出黎住, 唔係住 Hall 亦唔係同人 Share 一間屋 (無何否認, 呢 d 生活都唔錯 !!), 而係自己真真正正一個人住 !! 我經過 1 個月的努力, 已經搵到我的新居, 而家只係等 Agents 覆我幾時可以入伙 (唉.. 一個 X'mas + New Year, 打亂晒 d 進度 !!). 估計 2007 年第一大事就係我要進佔間新居啦 !! 好興奮, 好期待呀 !!!
但亦都因為咁, 今年 New Year Eve 冇得出去. 係屋企執野準備搬, 你地邊個o個日冇野做, 係屋企上網陪下我啦 !!! (不過.. 英國 慢 HK 8 hrs 喎 ~~ 頂得順冇 ?)
4. 旅行
今年我去左的地方, 話多唔多, 話少又唔算少 :
誇年的澳洲之旅, 去左 Tasmania + Western Australia – 仲識左一對德國朋友 !!
4 月去左武夷山 – 無乜特別, 得個行字, 都係鍾意去 d 偏遠的中國城鎮 ~
5 月去左轉英國 + 荷蘭 + 比利時 + 盧森堡 – 當時都估唔到我咁快又可以番黎英國 !!
8 月頭去左曼谷 – 同阿媽吃喝玩樂自由行.
8 月尾我就買左張單程機票去英國 – 好似好有決心咁, 一去冇回頭 .. haha ~
今年就係咁過左啦 ~ 對於下年我都好有 Plan 架 ~ 雖然工作重要, 但我的旅行大計仲重要呀 !! 到 New Year o個日再寫啦 !!
~ Happy New Year !! All the best for year 2007 ~
(Remarks : Sculptures by Doug Hyde)
