9 海洋公園 陪小龍女生日遊 (展館篇)

見好多朋友仔，一兩日就可以出到一篇文，每篇都滔滔近千字，描述得又風趣幽默，影既相片又美輪美奐，實在太厲害啦～

 

我ｄ文嘛，就真係好似人地ｄ西班牙火腿咁，要風乾返一頭、半個月，先可以同大家見面，哈～

 

 

香港賽馬會四川奇珍館

一場來到海洋公園，每次例牌動作，梗係要來探下安安、佳佳啦～

 

準備進入「大熊貓之旅」！

 

如果安安、佳佳都識擺呢個ｐｏｓｔ就勁啦～

 

印象中，好似每次見到安安 or 佳佳都係咁既姿勢...一係訓緊，一係食緊

 

 

香港老大街

小龍女指定取景地點之一。真係唔明，平時去ｄ深水埗、石硤尾都有呢ｄ建築物影啦，果時又唔影，唔通真係物離鄉貴，人離鄉賤？放係海洋公園，即時升呢？

 

好多遊客取景之一，雖然我覺得架熱狗巴士，好似造得有ｄ假，不過，基於香港人「人有我有，人影我影」既大原則，照影返張，唔好執輸先～

 

小龍女坐係上面，就好自然咁叫我拉佢...好似好重喎..你...坐緊果架車...

 

英國周街都係，唔知以前香港係咪都係用呢ｄ變身電話亭？

 

九龍城皇帝寫字既鐵閘，又影下先～

 

海洋公園賣小食既舖，真係又貴，又難食...收得咁貴，質素點解唔可以好ｄ？

 

整個全境俾大家睇下～

 

古版廣告招紙，又好得意喎～

 

行入小小，又係另一條懷舊老街～

 

夜晚搭纜車會再經過呢度，又係另一番景色～

 

 

 

熱帶雨林天地

Ｄ水豚橫睇掂睇，都係似巨型既...老鼠...

 

 

秘魯巨人蟑螂，仲長過我隻手指公，由於實物太恐怖，我唔POST出來啦，大家自己去睇～

 

 

北極之旅

入口有一隻好巨大、又好迫真既北極熊

 

入到去，見到工作人員餵飼當中，隻海獅真係好肥呀！

 

但游起水來，又幾優雅喎！

 

 

海象，真係～超級～大隻～據工作人員解說，成年既海象，比一架重型貨車仲要重

 

Ｄ光照射落來，好靚～影低留念～

 

呢個設計幾好，Ｄ玻璃又清，睇到好多海洋生物游來游去～好似近距離接觸咁

 

 

南極奇觀

Yeah~去睇企鵝~

 

肥do do好得意！

 

雖然肥do do，不過跑起上來，又好快！

 

一大群企鵝，好壯觀！