攻略日期：2013-10-20
是次消費：每人平均約HK$ 160.00
早前六角柱石及鹽田仔大熱，跟團連餐也不過百幾，假日就和小龍女一探究竟，究竟六角柱石有幾特別呢？出發前，等我先同大家上一堂地理課！
咩係六角柱石？
是億萬年前火山爆發，熔岩噴出覆蓋地表，形成火山熔岩層
點解會係六角柱狀呢？
型成多角柱狀的原因，係因為熔岩冷卻時，出現非常規的收縮現象，形成今天大家見到的六角柱狀。此外，當岩柱尚未凝固前受壓變形，就形成東壩獨有的 S 形柱石。
出發啦～出發啦，圖中就係我地今日坐果架船仔！都唔錯，大大架，又唔會太拋
搭左大約半個鐘，好快就見到Ｄ好奇特既六角柱石，幾十架相機，一齊出動！
中間仲有一個好特別既洞仔，如果可以，真係想搵架艇仔，入去探下險
見到咁多錨形石做防波堤，都好壯觀。要搬到咁多錨形石，都好唔簡單
俾個島既全景大家睇下
好快，玩住大約一個鐘，導遊哥哥又解釋完，就返去～食飯啦～途中見到好多遊艇～
話咁快，就返到來
好似每一個旅行團，最後都會去通記海鮮酒家，食返餐海鮮
不過餸菜都唔錯，呢個價錢，咁既食物，無得頂
食飽飽，周圍行下，碼頭有好多小艇，售賣不同既魚乾～
都好多人買，仲有Ｄ係賣即叫即劏既海鮮，非常新鮮
等我得閒，再上載埋篇鹽田仔遊記俾大家睇
小龍女好幸福呀
，等佢唔好成日投訴我陪佢
