0

馬年初一行大運-西貢昂平

vi老篤日記 於 2014-02-01 01:02:20 發表  |  累積瀏覽 783

分類:行山 新年 ;地區:西貢,馬鞍山

初一下晝無咩做,最好去行大運。今年新假期無介紹行大運路線,所以唯有跟據好方向 - 東面行走。我哋最後揀咗昂平,條路之前蘋果日報介紹,好似好簡單,又靚,點都想行吓。


係新港城集合,之後坐的士到馬鞍山村。雖然今日係大年初一,但都只係等咗一陣,就有的士。感覺的士佬唔滿意上山,不過都無辦法。搭咗$44新界的士,過咗郊野公園燒烤場,見到指示牌,我哋就落車。


由指示牌所見,我哋行半個鐘就會去到昂平。估唔到咁快。上山條路唔算好難,只係行咗一陣好輕鬆既樓梯就去到亭既位置,原來呢個亭同指示牌我都停留過好多次。因為又係麥理浩徑第四段。


行多一陣,見到有人玩降傘既物體,行上去草原,原來已經可以望到西貢。雖然今日都唔算100%清晰,不過藍天又有太陽,已經好唔錯。見到隻降傘不停飛來飛去,感覺仲好正添!係草原停留咗一段時間,影晒相,我哋就離開。


 


沿路行走條路都同麥理浩俓一樣,去到地圖既指示位,望清楚地圖所指,就向左邊行走。


沿路落山既樓梯都幾多碎石,不過都仲可以接受。反而Judy好驚,全程都靠Wendy一齊行。不過佢最後都出現,其實係一大進步。給果唔係行得慢,其實應該一個鐘唔駛就會落到山。不過都係4點半,已經出到大馬路啦!不過我哋都無等小巴,繼續行落山,最後行多4個字左右,就去到大街,見到菊花牌漆廠啦!整體行咗三小時,輕輕鬆鬆就完成!

鐘意SeeWide的分享,給我們一個Like吧!
  • 攻略日期:N/A
    攻略地點:西貢,馬鞍山
  • 攻略時間:1-3小時
    是次消費:N/A
0人比"掂"

最多能輸入300字

累積瀏覽 182911

全部攻略 323

全部回應 5