夏天到啦~人人都嚷住要減肥, 食少D著背心仔、泳衣!
唔知點解, 我竟然更加有胃口, 大吃大喝! 好有罪惡感呢~
不過, 平時返工都好節制, 放假當然要鬆一鬆, 食下好野 ^^
午餐: 華康冰室@灣仔
(小記: 就是在出名的華星冰室對面, 本來想試的是它, 見到MENU真的只有<常餐>, HONEY要食飯...唯有轉陣地, 點知有好發現!)
我搵到我最愛的奶油豬啦~~~HOHO
你睇呢個奶油豬幾多奶油...唔同一般個D偷工減料,
佢係有好多奶油, 多到滴到出黎~好味到呢...
餐湯就係紅/白湯,無咩特別!
而主菜就要左
1) 魚湯3寶: 個湯好清, 米線不淋不硬,好彈牙,
又夠熱~
係D配菜就淡D...有魚蛋、魚腐、魚片
HONEY的是雞扒炸帶子飯,
值得一讚係個汁,有洋蔥、紅腰豆、蕃茄, 好好味呀!
唔少得係黑白淡奶沖的奶茶!
好白好滑...好滿足!
埋單約$100咋~抵
之後,轉戰尖沙咀,<新MONDAY>介紹過的爆多料蛋餅!
好似係$27/3個, 都唔係平!
仲要等佢即叫即整, 口干干之際就去左隔離一間好日本FEEL又唔太貴的CAFE店, 由於有D晏, 我怕飲咖啡瞓唔到覺, 就試佢<<招牌>>的綠茶!
呢杯叫<宇治金時>即綠茶+紅豆...
睇到個色水,即時知...(((大獲)))
飲落似綠茶粉+糖水+未泡淋的紅豆...
好難飲>_<
唯有平吃蛋餅, 出奇地...
綠荼好香,蛋味好濃,紅豆又多又軟^^
仲試左:奶油士多啤利-->正呀!!!
比利是朱古力-->好夠味又唔太甜!!!
大家去開要試下啦~~~
晚餐係重頭戲, HONEY知我中意食龍蝦伊麵,
搵左專門擺酒的<彩福>黎試...
特價: $ 68一斤, 我地ORDER左一隻差唔多2斤的!
等左20-30分鐘先有得食, 隔離抬既C9好忟...經理同佢自己老公都怕左佢...
我地都係照等...(只可以講香港人真係好大壓力,好唔寬容...哀!)
仲加左無錫骨,伕我MA MA地, HONEY話好味WOR...
同埋, 賽傍蟹, 好滑又多料又大碟,
不過唔多熱...
大家都快D趁住週末去試下上面的美食啦~
連飯同啤酒, 埋單: $ 3XX 都合理的!
下回: 旅遊篇....估下我去左邊? 估中有神秘禮物!!!
(名額一名, 以快為中獎者, 悄悄話留言)
最大提示: 不是香港,又不用搭機的!
喜歡此文, 記住留言支持呀!!!
THANKS~
