攻略日期：2013-12-27
今日5點突然收到大信封，我就失業了。其實一直以黎我都唔敢係Blog打公司既事，因為在Yahoo打Blog時，被公司的是非精發現我有打Blog，更成日問我講緊公司邊個，所以我真係怕左佢。所以係Yahoo搬Blog時，都無講自己搬左去邊。今日唔係度做，就咩都打得啦！
講返正題先，係呢間公司做左差唔多三年都好開心，直到舊年年尾多左某位高級男是非精黎左之後，就開始覺得好煩厭，做得唔開心咩都無心機。一早打算過埋年就搵工，可能我真係唔想既樣，做到出哂面啦，所以比公司先一步開刀。不過唔係死撐，真心個句: 真係好開心！通知我個一刻成個人鬆哂，一啲唔開心都無。
我一向做人既宗旨，都係唔好去到咁盡。但有啲人去到今日都仲要玩野，賤人經理同我傾完比我簽埋野都5點半，佢問我幾點走，我話要係電腦抽返私人野走，點知賤人經理同我講佢要收6點，我淨返30分鐘，真係不知所謂。我都想快但電腦真係快唔到，最後我都無計執野執到八點先走得。終於鬆一口氣，賤人再見，我地永別啦！
但偏偏選中我
