獅子會賞花

之前上網睇到人哋既Blog，話去獅子會睇梅花，雖然呢件事唔應該係正月進行，不過當賞花無咩所謂啦！ 

其實次次入西貢應該已經見到獅子會嗰牌，不過心入面都係唸，木做指示牌應該係郊野公園、行山路線先會見到，所以潛意式我會覺得係由碼頭再搭車入去。點知果然係錯，連帶落地鐵轉小巴都可以錯咗係鑽石山落，攪笑！ 

搭小巴留意到獅子會嗰牌，但已約了大家係碼頭等，無計。所以齊人後，我哋由碼頭行返去大街，再行去獅子會。其實路程唔係咁遠姐！ 經過木製大牌，入到去，沿車路走，行多無耐見到有細既花樹，亦有人係度影相。我哋當然即刻行去又影一餐。呢度既大部份樹木、花卉都有指示牌介紹花既品種。但偏偏梅花、桃花無介紹，攪到我都唔敢100為肯定。 

影完梅花，行去另一邊有d矮樹，又影吓唔同既花。不過唔明影花都居然有咁多人帶晒長鏡嚟，真係不得了！ 其實獅子會既大細應該同一個普通公園差唔多，總知我哋見到有路就行，所以有去到桃花林既地方、又見到假動物教育徑、仲有中藥介紹、蔬果介紹等。不過真係睇到既花，最識又開得靚都真係得桃花及梅花。 

行完整個獅子會，離開之後，繼續向白沙灣方向行。未試過咁樣行出去，覺得明明有條行人路都危險咁！d車好似係隔離行咁，又快、又近。好在都只係行3個字就到。白沙灣對面有間餐廳，成日搭車都經過覺得好靚，所以好想嚟吓、望吓景。不過今日天色麻麻，當坐吓飲酒算啦！ 食埋嘢大約五點鐘就離開餐廳，搭車出返鑽石山lu！