今日五分鐘前先去到中心﹐ 見還有D時間﹐去一去 toilet 先﹐回來時見到 sensei 拎住個 mini 小提琴盒行出去電梯口
堂呢) 媽媽陪上堂﹐爸爸就係出面等﹐ 三個都夢遊太空 wakaka
有琴啦﹐弓啦﹐手錶﹐書啦﹐銀包﹐電話 @_@‘’‘ 我打趣話﹐真係除左自己之外﹐真係乜野都可以唔記得拎走呢
tune 好琴琴就 先 拉 12 and 13 Arpeggio ﹐ 又上網查下 Arpeggio 其實係乜東東
================================
琶音Arpeggio, Arpa本是豎琴的意大利名稱
故名思意,用彈奏豎琴方式,以順序方式演奏一個和弦,亦即是以一個一個音由低音至高音獨立彈出一個分解和弦,而不是同一時
間彈出整個和弦來發聲
================================
搞掂左﹐ 先繼續番 揉弦練習﹐ 因為練習有D疑問﹐ 先再確認一下﹐ 原來.....
要做到以下才算正確 (一把位)
1) 只有手腕扭動
2) 手指要放鬆
3) 只有拇指貼在琴脛上﹐ 手任何位置不應有任何接觸
4) 揉弦的手指不應發力﹐ 手指之所以會做到接合申展﹐完全因為連接手掌與手指的關節扭動 (這個扭動受手腕扭動的連帶)
5) 拇指最好不要放得太高﹐ 拇指指尖位貼著琴頸最理想
今個星期又繼續練習
講完揉弦﹐ sensei 有新野教, 又問下我有冇研究高把位 hehe
先打開 WF #31 ﹐ sensei 先解譯一下﹐ 音附下面有D 數字 ﹐好似 D 弦上面的 C 音﹐ 1把係 3手指﹐因為下面 寫住 1﹐所以就需要用 1手指按 C 音 啦﹐ 2手指 D﹐ 3手情 E﹐ 4手 指 F。 還有五線上面 寫左 III Lage. 都代表三把位。
三把位要注意的地方
a) 1 手指找音﹐ 用雙音找音準
b) 手指與手指之間﹐全音﹐半音距離拉近左﹐要多聽習慣音準同距離 (把位越高﹐手指相距的位置越短)
c) 三把位時﹐ 手掌需要貼著琴身, 而貼著的位置最好一致﹐ 保持手型 同 貼著的位置一致 (每個把位有別)﹐有助三把找音準﹐ 因為日後好多曲都會係各把位飛來飛去, 所以冇時間慢慢找音準﹐ 所以多留意之前學習重點
d) 當由一把去高把位拇指同一指 保持同一水平﹐一起移動
講完相關知識﹐ sensei 又打開個琴講解一下﹐ 只有 EF 音同 BC 音係半個音的﹐ 利用呢個 concept, 三把位 C 大調 弦手指位置其實都係大同小異﹐至於大調與小調﹐ 知道每邊一粒音 有# or b, 作出升降就可以 。
先拉兩個 bar, 之前都有試過﹐所以音準上還可以﹐ 不過1 指找音準還要多多練習﹐多用雙音去對音準。
今個星期 WF #31 頭兩行﹐目的係學識睇三把位的譜 :) 同習慣三把的音。
好開心呢﹐識了三把﹐ close to u 同 canon in d 都可以 拉啦﹐好唔好聽就令一回事 :) 要比多心機先得﹐嘻嘻
講完三把﹐就拉聖母頌﹐沒有太大問題﹐1 take 過搞掂左﹐給 sensei 讚了拍子又好左 @o@ 超開心﹐雖然還是好BB﹐不過給讚了﹐都係開心的事情呢
新曲 精選 :D
篠崎2/3 結婚進行曲 (孟德爾頌)
Wedding March' by Mendelssohn
講完三把﹐就教新歌仔 ﹐就係好出名的結婚進行曲啦 ﹐ sensei 話 因為真夏夜之出左名﹐主題曲就用左係 婚禮當中呢﹐ sensei 問我識唔識 Mendelssohn XDDDDDD 我話同佢唔太熟 wakaka, 結婚進行曲應該係係佢唯一最出名呢。
sensei 先 demo 左頭六行﹐ 之後我又試拉 第一行﹐好難耶 .... 個幾個雙音﹐要拉 G2 + 空弦 D﹐ 手指好易痴到 D 線啊 ﹐ sensei 話手指要企D 同 埋手指要 按得偏左D﹐咁會少痴D﹐ (回家試過都 OK @.@)
成隻歌仔好多一拍三連音﹐ D 三連音用弓要少D﹐ 唔係之後會唔夠弓用﹐ sensei 話有幾段好多學生都覺得快﹐ 所以回家練習時以拉到果幾段仔gei 速度為基本速度。今個星期練住半首﹐D 裝飾音係搞掂晒首曲先加番上去﹐因為開頭未熟﹐會令拍子難掌握。
講完新曲 開開心心就落堂啦
不過收好晒野又同 sensei 吹左一陣水 XDDDDDD 因為下一個 session 學生病了。
wakakaka 終於落地獄 la XDDDD (真係痴ga, 落地獄都咁開心)
好多新挑戰﹐要比心機﹐繼續努力 YEAH!!!!!!!!! 殺啊!!!!!!!!!!!!
離係橋底賣藝又行前左一大步啦
不過幾時先可以破地獄呢 XDDDDDDDDD
EMI TANABE performs 'Wedding March' by Mendelssohn (孟德爾頌)
https://www.youtube.com/watch?v=xz1gehOYslQ
"Wedding March" - Mendelssohn - Duets by Jesse and Jack
https://www.youtube.com/watch?v=3R-vWDkoq8Q
講開婚禮﹐呢段 youtube 超正﹐主角應該一生難忘﹐就算賓客都係
超正進場 ^^
5千萬點 click 果然係堅 ^^
https://www.youtube.com/watch?v=4-94JhLEiN0
