試咗用麵包機整咗幾次焗方包之後, 開始有啲悶啦, 而麵包機既另一程式就係整麵包麵團, 所以可以試一試呀. 整麵團程式大約1小時, 之後就要取出麵團分出10份再待15分鐘待鬆弛才可以整造型及包涵. 第一次整造型麵包, 當然係整啲容易準備既涵料, 最簡單既莫過於腸仔包及吞拿魚包呢.
整包之前, 雖然莎拉已經熟讀晒食譜, 但係點知整既時候都係雞手鴨腳呢, 好彩焗出嚟既效果都唔錯, 呃得吓人呀, 對於莎拉呢位整包新手, 都叫做合格架啦. 夜晚晚新鮮出爐既麵包真係好好食, 一出爐就連莎拉都忍唔住食番個呀. (
長此落去會好易食到肥呢)
新鮮出爐就當然好食啦, 不過放多一至兩日後, 啲麵包就會變得好乾啦, 所以莎拉下次要再試試用"湯種"嚟整麵包以加麵包既水份呀.
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
