大家仲記唔記得自己細個時陪自己瞓覺既公仔或物件呢? 莎拉依稀記得及家人轉述, 原來自己細個係鐘意"暖"住一條毛巾既嘜頭嚟瞓覺, 無咗呢條特定毛巾係瞓唔到 (相信當時呢條毛巾已經俾莎拉玩到霉晒啦)
![]( "(tongue)")
.
雖然陶寶B暫時唔多需要抱公仔瞓覺, 但係有一晚陶寶B瞓得唔多好時, 莎拉放隻公仔係佢手中, 陶寶B就好似安心好多, 慢慢瞓著, 所以莎拉就開始留意想買隻陪瞓公仔俾陶寶B啦.
太過Bear bear cutie既唔係莎拉同謝菲杯茶, 加上又要質地舒服, 最後行街時係一間賣家居寢室用品既澳洲品牌鋪頭"
斗室rapee-living"見到有一系列由日本嚟既公仔叫Craftholic, 有不同size及顏色款式之外, 個質地真係舒服到不得了(如果我唔駛攬住陶寶B, 莎拉都想買隻俾自己), 加上個身長條型, BB好容易捉住, 而佢個Cool cool地既表情, 莎拉好like呀! ![]( "(love struck)")
![]()
最後莎拉就帶咗隻有長耳朵叫"Rap"既返屋企陪陶寶B啦. Haha, 睇番呢一set 公仔既background story, 原來係外太空嚟到地球架, 夠晒騎呢啱晒莎拉.![]( "(cowboy)")
雖然陶寶B未有意思去攬公仔或玩公仔(只有意識去食公仔), 所以唯有硬將公仔塞俾佢等莎拉可以影番張相.
陶寶B![]( "(laughing)")
:媽媽等你愛上呢隻公仔, 咁媽媽就可以同爸爸講, 要再買隻大啲既俾你依靠住座啦!
![]()
