話說之前買咗張韓國做既鬆弛熊地墊, 但因為使用時感覺好似好硬, 唔係好放心(後來呢張鬆弛熊地墊放係婆婆度用), 所以莎拉就要買過張啦. 當初因為一來啲公仔pattern還可接受, 二來價錢平, 所以才會買鬆弛熊.
因為要買張放係自己屋企用, 所以今次第二次再買時都真係相信價錢與品質係成正比例既, 於是就target啲大路牌子.
好多媽媽既大熱之選 Dwingular當然質地好, 但係莎拉都謝菲都唔係太鍾意既既公仔, 所以要再搵. 最後搵搵吓就搵到
Skip*Hop呢隻美國牌子, 第一眼已經鐘意佢地墊既pattern,
![]( "(batting eyelashes)")
因為佢係無公仔, 唔會同家中既設計太過格格不入! 不過都有啲媽咪會覺得用拼圖或既地墊會無咁乾淨, 因為多接口位會藏塵, 而一張過既地墊就少了難清潔既呢個問題. 所以真係有好有唔好呢.
訂咗貨等咗差唔多一月終於有貨攞啦, Yeah!!! 一返屋企, 抺乾淨就同陶寶B嚟個試用儀式啦.
![]( "(applause)")
係客廳就用砌咗個正方形出嚟, 正方形及圓形有4種不同顏色, 所以可以自由去配搭.
![]()
質地當然比起之前張鬆弛熊地墊好好多, 軟身又唔拮肉. 陶寶B係地下玩得好開心呢.
![]()
而莎拉就用咗另外八塊貼咗係牆度, Heehee, 陶寶B唔怕玩到撞親佢個頭仔.
![]()
而另一個莎拉選擇拼圖式既地墊係因為可以將部份地墊貼係陶寶B張遊戲床既牆度, 因為陶寶B係張床玩時, 有時座唔穩的話會好容易撞到頭仔呢, 所以係牆度加咗墊就安心啲啦.
![]( "(big grin)")
