晚上當大人食晚飯時, 陶寶B就會座Booster seat圍檯座, 不過只係望住我地食晚, 佢就只可以玩手指, 或者俾少少星星餅佢食住玩. 但而家陶寶B大個啦, 圍檯座唔俾嘢佢食, 佢先無咁蠢呀
![]( "(thinking)")
, 當然開始識得扭計啦, 所以既然陶寶B上排開始出3仔牙仔, 都係時候可以俾佢試吓食啲大少少Size既生果粒等佢自己可以攞住食. 所以第一次俾陶寶B拎住嚟食既就係一條
牛油果,
![]()
真係食到天一半地一半都不特只, 仲要成塊面及手都係牛油果蓉呢, 呢隻傻豬食到咁上下, 仲要走去用隻有牛油果蓉既手抺落個頭到, 正式成身都係晒嘢.
![]( "(d'oh)")
![]()
雖然食得好嗱喳, 不過莎拉覺得俾小朋友食到成面成身既階段係必經既, 起碼佢會自己用手攞嚟食, 如果要佢保持乾淨大人就要餵佢食, 莎拉唔希望養成呢個食咩都餵既習慣, 所以食到好污糟都無所謂, 最多咪用啲時間同佢清潔翻.
試過牛油果之後, 第二晚就試吓
火龍果啦, 哈哈哈, 今次就食到多咗幾粒八婆墨係塊面朱到, 見到都笑了呀!
![]( "(laughing)")
![]()
之前整啤梨蓉俾陶寶B食, 但試過幾次都食到好似嘔咁既樣, 好奇怪, 俾陶寶B成條
啤梨條食, 佢又食晒呢, 仲人仔細細食咗半個梨呀, 真係估你唔到.
![]()
另外近來最新試既就係
提子, 陶寶B真係識食, 試過粒提子仲連咗少少皮, 佢識得自己食咗啲肉之後就吐翻啲提子皮出嚟, 真係食得招積!
![]( "(tongue)")
![]()
終極一試, 飄來
榴槤之香, 陶寶B我地一齊Share吓啦. 好嘢嚟架, 試吓啦!!!!
![]( "(thumbs up)")
陶寶B: 呢舊咩嚟架, 好大陣味呀!!!!! 咦,,,食落又幾好味喎, 咁過癮既!!!
![]()
