體重及身長:
好多人都話陶寶B唔似7個月既BB, 因為望起上嚟, 陶寶B個身好長, 健康院沒有量度陶寶B既身長, 而莎拉都沒有實際度吓, 只係知道陶寶B有啲衫已經係發展到著18M既碼, 所以佢啲衫真係好快唔啱著呢. 而體重就8.03kg, 比起上個月增加咗0.4kg, 改為食一餐粥仔後, 體重都好穩定呢.
食量:
由6個月開始, 改為每日食4餐奶, 1餐粥仔及水果蓉. 陶寶B每日中午就食一餐粥仔, 份量大約係半碗, 而晚上就食2湯匙既水果蓉. 暫時陶寶B已經試咗多款食物, 包括節瓜, 合掌瓜, 翠肉瓜, 南瓜, 菜芯, 粟米, 鯇魚, 倉魚, 紅衫魚, 三文魚. 而水果就試咗香蕉, 木瓜, 蘋果, 啤莉, 牛油果. 陶寶B食粥仔及水果蓉都無抗拒, 仲好似好鐘意食, 不過反而食奶就開始好唔專心, 比起以前食得慢, 同埋會係度"Bu"奶呢, 有時真係無佢符.
活動能力:
- 之前抱住陶寶B去照鏡, 佢就會好傻豬個自己笑, 而家已經進步咗啦, 佢唔會一見鏡就笑, 反而係觀察鏡附近既物件.
- 係遠距離叫"Ethan", 佢會向聲音既方向望之後就會笑.
- 同陶寶B唱歌拍手時, 陶寶B會做好似拍拍手既動作. (呢個動作好呀, 好似請請咁, 新年可以逗利事呢)
- 自己會"EERR"咁講嘢, 成日好鍾意搵人同佢傾計. 呢個月媽咪真係覺得你大個仔咗呢.
作息時間:
與上個月分別唔大, 都係11pm食完夜晚餐奶就去到7-8am起身, 希望陶寶B可以Keep住咁, 等莎拉同謝菲有覺好瞓. 不過晚上都會好多時醒一醒, 要俾番個奶咀就無事, 但有時一晚醒幾轉呢.
健康:
感恩陶寶B轉食固體食物後, so far沒有出現問題, 而陶寶B大約1至2日就會有便便, 都唔錯呢!
