係時候睇一睇兩個月既成績表先!![]( "(big grin)")
體重及身長:
二個月返健康院打針, 上一上磅先, 嘩陶寶B而家重5.28kg(11.6磅), 比起一個月之前體重進帳咗3磅呀!!! 唔怪得啦, 而家莎拉媽媽抱得耐, 隻手臂都有啲酸軟呀, 不過偽所謂啦!! 陶竇B好叻叻呀, 姑娘話陶寶B而家已經追返上生長線既Average, 咁即係中碼BB既Size啦, 進步得唔錯呀, keep going呀!![]( "(applause)")
佢而家塊面珠仔有雙下巴, 姨姨仲話陶寶B既包包面好似Spongebob海綿寶寶, 佢傻傻地架!
食量:
今個月都係差唔多6-7餐, 每次都係4oz, 而人奶方面已經沒有太多了, 只可以餵到一至兩餐, 叫做好過無啦. (真係好羨慕啲媽媽, 人奶多到可以貯藏係雪櫃呢![]( "(sad)")
)
不過下星期, 莎拉都要返工啦, 所以都要為返工既日子作好準備, 希望到時仲可以有一餐人奶俾陶寶B食啦.
而食奶既喜好依然係鍾意嘆"奶", 食到最尾連風都未掃就鐘意瞓著.![]( "(yawn)")
活動能力:
呢個月既活動能力有好多明顯既變化, 大個仔咗好多呀!
- 會發出"古古"聲同有時有啲BB話, 好似想同你傾計咁, 不過都係要佢心情靚先會同你傾吓計.
- 頸仔硬咗好多, 有時抱佢頭仔已經可以hold一hold住, 開始唔鍾意打橫抱, 返而鍾意打豎抱及向前, 因為可以望到前面既境物.
- 明顯分別到媽媽, 爸爸及婆婆既聲音, 聽到時會停一停好似想望吓你係邊度.
- 開始好鐘意食手手拳頭![]( "(drooling)")
(唔通真係咁好味?!), 仲有好多口水添, 所以呢個月已開始俾奶咀佢食.
- 自己會玩吓啲玩具(叮叮噹噹果啲), 但係玩得唔耐, 30-45分鐘就已經好俾面你.
- 隻手仔開始捉住啲物件, 而家最鍾意就係抱佢時, 搣你手臂"byebye"肉(好陰濕呀![]( "(thinking)")
), 個度啲鬼鼠肉一搣仲要好痛呢.
作息時間:
唔會再好似初生頭一個月時夜晚扭計唔瞓及扭抱, 好明顯夜晚容易瞓咗, 可能已經開始分別到日頭及夜晚.
不過而家日頭就出現比較難"暗"佢瞓覺, 有時抱佢及"暗"佢成個鍾都瞓唔得"林", 搞到佢太攰又唔瞓唔到, 出現好"文". 仲有就係唔知點解, 而家每一晚8pm-12am, 成個人就好"文", 好"文", 點都"暗"唔到佢瞓, 仲要係咁出盡力去喊足2小時, 點氹都唔得, 搞到大人都"文"埋一份呢, 最後搞到12am餵奶後就先瞓, (鬼咩, 喊咗2小時仲唔攰咩). Ai~~~希望佢呢個情況可以快啲改善啦, 因為佢每一晚出盡力去喊既喊聲真係好難頂呀!!!![]( "(at wits' end)")
健康:
面上既紅粒及紅點已經好得8899, 面仔開始變返滑"dudu"!!! 大致上健康沒有問題, 感恩呀!![]( "(winking)")
感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/
