暫時放下陶寶B交俾婆婆睇住, 等莎拉同謝菲"鼠"出去同成班朋友仔食個晚飯.
呢餐晚飯都算係座月後第一次同朋友出街食囉, 所以難得兩個人出街, 順便去行吓街"濕平"先得.
![]( "(tongue)")
一行9個人既飯局, 就揀咗呢間係尖沙咀既"
神屋博多道場", 佢主打九州料理及串燒, 據聞有唔少日本人幫襯添.
![]( "IMG_1593")
人多食飯既好處就係可以叫好多嘢食, 所以樣樣都可以試一試. 當晚都唔記得Order咗幾多碟嘢食lu, 總之就係成檯滿晒啦.
佢呢度好出名既係
牛腸鍋當然要試上試啦, 其實味道係唔錯架, 啲牛腸好爽, 不過就有啲肥膩, 所以呢個鍋真係要一大班人食先掂, 因為每人試, 個湯底用蕃茄, 所以好甜好好味, 最後加個烏冬落下, 真係吸收晒個精華呢.
![]( "IMG_1596")
另一出名既係
明太子蛋卷, 厚厚既蛋卷包住明太子, 莎拉本身好鍾意食蛋卷架, 所以好味道呢. 另外
串燒都唔可以錯過架. 價錢方面大約每人$180, 日本菜算OK架啦, 而家諗番都好想再去食呢, 下次一定會再去多次呀!!
![]( "IMG_1595")
後記: 當晚食完呢餐飯之後, 同謝菲拖住手回家途中![]( "(love struck)")
, 晃忽好似回到未有陶寶B既日子咁, 可能因為平時會抱住陶寶B或推住BB車, 而但係當時回家既路程只係得我地2個, 所以好似回到未有時咁!!!
