陶寶B第一張證件相

雖然短時間內都唔會帶陶寶B出外, 但係襯有時間, 不如早少少幫佢整定啦, 橫豎遲早都要整. 

原來好多影相鋪都唔會幫未識座既BB影Photo ID架, 所以就唯有去攞證件附近既影相鋪影啦, 因為佢地一定會幫BB影相.
(是關大把雙非強國人生完BB之後, 一出醫院就帶BB做證返大陸).

所以前兩日同陶寶B去健康院打完針, 見佢好精神, 眼仔碌碌, 不如去附近影埋張證件相啦!

去到影相鋪, BB就交俾佢地抱, 之後佢地就拉埋個廉, "叱o宅, 叱o宅" 兩吓之後就攪掂, 前後5分鐘都唔駛就影完相.

陶寶B已經相對幫襯既BB係比較大個架啦, 當時仲見到啲出世得幾日合埋眼仔既BB影證件相, 一樣都照影到無問題, 真係唔知佢地點影.

當然同BB影證件相咁難度高既嘢, 價錢就比普通大人影既會貴($100/12張), 不過都物超所值, 因為都影得幾靚仔.
(莎拉媽媽繼續自讚)

Heehee, 陶寶B既第一張證件相呀!!!! 影到陶寶B眼仔碌碌, 好精靈, 仲好似好大個仔咁款!!