進入wk24, 唔經唔覺都成6個月啦, 即係話懷孕既過程都已經過咗一半啦. 肚皮而家已經大咗好多啦
![]( "(surprise)")
!
呢個星期開始, 晚上瞓覺時, 因莎拉平時都係慣平躺仰睡, 但係而家有時會覺得個肚壓住自己, 好唔舒服
![]( "(crying)")
, 好似壓住晒啲五臟五腑咁, 所以開始改為側睡就好似舒服啲啦.
而呢個星期同樣覺得, 陶寶B好似向下墮咗好多, 所以成日想"尿尿"既情況都明顯咗, 而家都只係6個月咋, 所以莎拉都知道上述個兩個問題應該會隨住個肚越嚟越大, 問題會越嚟越嚴重及辛苦呢. (做媽媽真係一啲都唔容易呀!!!!
![]( "(whew!)")
)
有時莎拉挺住個大肚子, 肚皮又好緊既時候, 謝菲就會問"係咪好辛苦呀?", 莎拉好感受到謝菲見到我好唔舒服, 但係佢又幫唔到我個種無奈呢!!! 不過見到佢咁關心自己, 真係辛苦啲都會"LUM"晒呢.
雖然大肚既日子有啲辛苦, 不過都有啲開心既時刻呢, 例如有時摸個肚, 會摸到有啲位置特別硬呢, 如果我無估錯, 應該係陶寶B既頭仔或者係"Patpat"呢, heehee, 好鬼得意架!!! 成日諗緊陶寶B係入面做緊咩呢?!!
