今次係莎拉第一次參加旅行團, 所以就唔係太需要做啲咩功課咁, 只係出發前領導提醒我地要帶足夠既衫(因為高原地方會比較凍, 預計2-3度), 買定啲朱古力及糖(對舒緩高山反應有幫助), 買定一至兩個杯麵(吓, 唔係要食杯麵咁慘呀?!
![]( "(confused)")
), 最後就係買定支行山杖(因為可以借吓力).
行李話咁快就執好啦. 今次係3人行, 有莎拉, 媽咪及細妹, 參加既旅行社係康泰
"九寨溝、黃龍、成都、峨眉金頂、樂山、熊貓繁殖基地三期展區6天團" . 之前報名都估唔到原來9月及10月份既團原來係咁爆同咁貴(真係加多幾千銀可以去馬爾代夫啦![]( "(worried)")
), 仲要係好多日子都已經爆咗人數, 真係同朋友同事講個個都唔信呢, 我地呢一團都有23人呀.
![]( "IMG_4453")
出發前2個星期先知搭到時係幾點鍾機, 最後原來我地係呢一團係夜機(19:45)出發呀, 所以其實雖然係6日5夜, 實際就只係5日4夜呀! 去到機場, 搵到個領導搞好晒啲Check-in手續之後, 就早啲入閘揾嘢食啦, 因為今次係搭中國航空, 估都估到飛機餐應該係麻麻地, 所以都係自己打定底穩陣呀.
![]( "IMG_4452")
問媽咪想食咩, 同佢行完成個food court位, 佢都揀唔到, 跟住見到有間Pizza Express, 佢居然話"都好呀, 好耐都無過呢", 哈哈哈, 真係估佢唔到呀, 居然係機場食Pizza!!! 3個人order咗一個pizza, 一個pasta, 一個salad, 真係好正呢, 反而相對係出面食開既Pizza Express又唔係特別貴好多喎, 最重要係座得舒服呀!![]( "(thumbs up)")
![]( "IMG_4454")
好啦, 食飽就上機啦!
![]( "IMG_4457")
中國航空, 莎拉都係第一次搭, 都無咩期望, 都係勢估唔到架機好殘好舊呢, 啲電視絕對唔係在椅背個種, 而係番返去細過時個啲吊係天花個種大大舊電視呢. 架機舊都唔緊要啦, 最慘係delay咗成個鍾至起飛呢, 成班機座滿晒人, 又熱又焗![]( "(angry)")
, 真係好難頂呢, 又唔知佢咩事delay喎, 莎拉等等吓都瞓咗!
![]( "IMG_4465")
最後終於係20:45 起飛啦, 望番香港個夜境又真係好靚呢!!!
![]( "IMG_4460")
雖然係2.5機程, 但係都有飛機餐Serve, 每個飛機餐都會另外附上一包菜鋪呢, 細妹就要咗牛肉, 莎拉就要咗雞肉, 以下就係我倆係食緊個飛機餐既對話:
細妹: 牛肉無牛肉味呢![]( "(worried)")
,,,真係唔講都唔知係牛肉!!!
莎拉: 你無牛肉味, 我呢個雞肉, 揾完成個餐都係得3粒好似骰字咁大粒既雞丁!!!
細妹: 成份餐最好味就係個3片生果啦
莎拉: 好彩頭先食咗pizza express, 如果唔係夜啲真係要食杯麵呀!!!![]( "(crying)")
![]( "IMG_4464")
去到成都雙流國際機場攞埋行李都已經係23:30啦, 真係好攰呀!!!! 座旅遊巴去到假日酒店(Holiday Inn) 都已經係00:15, 明早因為要趕早機飛起黃龍九寨溝, 所以明早既morning call 係4:00am![]( "(hurry up!)")
!!!!! 無錯係清晨4點呀!!! 沖埋涼都已經係1:30啦, 今次真係瞓一陣(3個鍾都無)就要起身啦!!!
![]( "IMG_4468")
