九寨溝家家樂之旅-Day 4(下)

嘩, 係成都一落機, 轉頭就又上巴士去樂山睇大彿呢.

座座座, 燉燉燉, 終於係下午4:30到樂山啦, 真係座到"Pat Pat"都扁, 成個人都"溫溫燉燉"呀! 睇大彿既其中一個方法就係座船呢, 團費就已經包咗啦.

 
今日既天氣麻麻地, 有霧呀, 所以都要好近先睇得清楚樂山大彿既真身呢. 船上既人都好識做生意, $20幫你影一張相, 佢既位置係最好, 包你影到全景, 船上即影後上岸時已有得攞, 既然嚟到都幫襯影咗兩張呢. 

莎拉一見樂山大彿, 就諗起"風雲"呢套電影啦, 真係要係度唱番句"平地一聲惹風雲 誰是結局誰是因 獨來獨回渡餘生 寧願有聚有別有人恨"呀!!!!!

除咗呢個近距離睇呢個人工既大彿, 另外一個角度就係離遠睇連埋附近既山, 形態就好似"卧彿",

不過唔知係咪大霧原因, 我真係點睇都唔多覺呢!

呢個游船河大約30min, 包你影夠相先會開船走呢. 睇完樂山大彿, 就又上巴士座1hr去峨眉山啦.

去到峨眉都已經6pm啦, 天都已經暗暗地, 所以只係去咗酒店附近既"報國寺"影吓相, 之後就返酒店食晚飯啦.

係峨眉住既酒店叫"峨眉山天頤溫泉大飯店", 話係5星級呢, 不過雖然房既設計及裝修好似好靚好Modern, 但實情就係普普通通呢, 因為酒店既facility配套麻麻地 (房內既煙灰缸既然有煙灰呢), 最麻煩係房內既bathroom既open設計, 如果同朋友嚟就真係好唔方便呢.


又係時候開飯啦, 今餐可以算係好豐富呢, 相比起係九寨真係好食好多呢. 而且仲食到啲當地既野菜, 真係之前連個樣都未見過呢.



食飽抖咗一陣, 就去咗酒店內既溫泉浸一浸呢(團費已包架啦), 第一次係大陸浸溫泉, 所以無期望又無失望呢, 不過呢一晚浸完溫泉又真係成個人鬆晒, 舒緩番前兩日既疲勞呢.