真係唔覺唔覺又到中秋節啦, 祝各位Blogger中秋節快樂, 同家人/情人就人月兩團圓!!!
大家食咗月餅未呀?! heehee, 應該係問大家食咗幾多月餅呢? 有無已經食到滯滯地?!
上年買唔到半島酒店嘉麟樓既奶皇月餅, 所以今年就早早係7月份見到有團購就諗都唔諗, 買咗3張嘉麟樓既月餅券. 因為嘉麟樓既月餅無防腐劑, 唔可以存放太耐, 所以我都係前幾日先攞月餅. (咁啱今年有親戚送一盒半島酒店既奶皇月餅, 呢一款就係每個月餅獨立包裝, 而存放係可以至月尾)
食飽飯就急不及待, 即刻"叮"幾個嚟食先! 真係好香奶皇味, 味道真係無得頂呢!!! 我自己覺得相比起九龍酒店既奶皇月, 其實個奶皇大家好似差唔多, 但係個酥皮就真係嘉麟樓做得好食啲啦. 真係一食就番唔到轉頭啦, 我諗以後奶皇月都會成為我地既每年指定月餅啦!!!!
