今次曼谷之旅, 其中一個highlight, 就係曼谷Spa界既名牌: Divana Spa. 之前一直有睇開不同既曼谷自由行天書, 都有推介呢間中上路線既Spa, 今次終於決定一試.
Divana Spa集團共有3間分店:
最新既就係Divana Virtue Spa, 而價錢相對同樣係貴少少, 而我地今次就揀咗Divana Divine Spa. 出發嚟曼谷之前已經係網上book咗一個2小時既Premier Spa haven (body scrub+aromatic massage), 所以之前已經print定張地圖.
去到Thong Lo BTS站, 出exit 3, 望住個地圖, 一心諗住唔係好遠, 所以就決定行去啦, 點知行咗10分鐘都只係行到第7街(divana係第17街), 唔對路啦, 都係搭的士. 我show張地圖比司機睇, 上而有泰文地址, 但係好奇怪, 個司機好似唔係太清楚, 所以我就keep住係咁講"seventeen", 又係地圖上係咁指住"17", 跟住佢就明白啦, 驚得我呀
!!!
搭的士~8分鐘就到, 車費都係40baht, 所以如果係去呢間spa既朋友, 記住係BTS站搭的士過去啦, 如果唔係就行餐飽呀!
Divana spa係在橫街內, 外型係一間2層既英式別墅, 有一個好大既花園. 我地係出面影相既時候, 店內既服務員已經滿帶笑容由屋內行出嚟迎接我地!
入到屋內, 英倫風格既裝修, 環境好舒服, 佢既環境令你唔覺得自己身處泰國呢.
而另一服務員已經送上一條好冰凍既濕毛巾及一杯好好飲既香矛凍飲.
. 一路嘆住杯香矛凍飲, 店員就一路好細心咁介紹各種香薰油及body scrub. 而係我地等待入房期間, 店員會refill個杯香矛凍飲, 好細心呢!!!!!
房間內既裝修都好relax, 最鐘意既就係佢個浴缸啦, 好靚好有antique feel!
技師按摩既手勢真係誇啦啦呀, 相比起我過往試過咁多間spa, Divana絕對係win晒呀! 啲技師好細心, 就算一啲好細微既嘢, 好似將我雙腳移開既簡單動作, 技師都會係細心, 動作好溫柔咁抬起腳然後慢慢放低, 絕對唔會好粗魯(莎拉曾經去過啲spa好似當你係豬肉咁, 一啲都唔細心
)
呢2小時既spa treatment話好快就做完啦, 真係爽呀!!!! 出到嚟, 店員就已經預備咗一個精美既生果盤同一杯花茶.
而頭先做Spa時試過佢既黃牌"white orchid shower gel", 莎拉又點可以忍到手呢,,再加上係買3送1喎, 唔買都唔得. 最後買咗2支Showe gel及2支hand cream都係1200Baht. 而個spa有85折呢(係泰有營個website有coupon print, 平日係85折, 星期六日就9折, 記住print出嚟帶埋去), 所以最後埋單係3740Baht(2個人), 雖然係比其他spa貴, 但真係值得一試!!!!!
