白撞完一倫之後, 就去食晚飯啦, 因為真係好肚餓呢, 而家真係成隻牛都食得落呀!
今晚就係去呢間係Chit Lom區既Ban Khun Mae餐廳.
其實呢間餐廳係5年前第一次嚟曼谷時, 同仲係男朋友既謝菲嚟過, 5年後既今天, 餐廳外貌沒有太大變化, 或者變既就只係我既身份已經係由他的女友變成他的太太了.
見到個menu真係樣樣都想食, 所以最後叫咗6餸1湯!!! 啲嘢多到張檯都差唔多放唔落!!!! (隔雜檯既外國人用極之驚訝既眼光, 好似係疑惑緊"how come you two guys can eat that much?!!!!"
謝菲係落order時, 再三強調要食生蝦!!!! 碟生蝦未到之前, 佢已經話要encore嚟多碟啦!!!
雞既串燒, 呢個真係麻麻地, 可以不叫呢. 個冬陰公依然好飲, 又酸又辣啱晒莎拉.
再嚟木瓜沙律, 唔知點解, 每次食泰菜都一定要有佢先至得!!!
謝菲想食咖哩炒蟹, 但係個menu無, 於是就問個待應啦, 點知佢都話有喎, 味道一般啦, 下之最好都係叫啲menu上有既嘢穩陣啲呢.
仲有泰式炒雜菜及綠咖哩豬(呢個肚餓到唔記得影相)
呢個食到好飽既dinner, 埋單都係1600baht, 如果係香港起碼都要$600-$700啦!!!
食飽就返酒店, 開始pack嘢啦 (又係時候睇睇今日係JJ Market既戰利品!
精選1: 香薰爐2個-500Baht, 騰織高身籃-140Baht, 浴室用具1set-500Baht
精選2: 靚靚既碟木匙加埋都係400Baht
精選3:好舒服既涼鞋200Baht
