今年既夏天比起過去果幾年遲咗好多, 5月都到啦, 都仲係涼涼地, 我最愛既夏天去咗邊"薯"呀????
上年因為籌備結婚, 所以都盡量唔曬咁多太陽啦!!!今年我要曬番夠本呀!!! 好可惜連續兩個星期日都天陰陰又落雨, 終於今個星期日, 天文台預測連續幾日都係天氣酷熱, 陽光普照, YEAH!!! 今個夏天終於可以開齋啦!!!!
星期日一早起身(其實都唔早啦, 成10點鐘), 去太興食埋個早餐就出發去石澳啦. 出門口既時候都仲陽光普照架, 一去到石澳就天陰陰!!!! 有無搞錯呀天文台, 你耍我, where is my sunshine?!
唉.....我帶晒"架生"嚟, 咩埋我張私家沙灘蓆, 無理由就咁走架, 陰陰天都好啦, 都叫做曬吓, 好過無.
上次嚟石澳係影pre-wedding photo, 唔經唔覺都已經係一年前啦! 一年後既今天, 我都已經成為陶太啦!!!
