星期六Girls Night- Kitchen M

星期六掉低謝菲, 同幾個女仔Friend食飯飲嘢, heehee, 等我回復一下"李小姐"既日子呢!!!! 又要食飯又要飲嘢, 非尖沙咀莫屬.

今次就試吓K11既意大利菜Kitchen M. 之前睇Openrice既comment, 都知呢間餐廳好鬼難搵, 但係我點都估唔到要穿過間boutique先可以去到餐廳門口, 搵死人咩!!!!真係對住個floor plan都唔知點行呀!

4個女仔座定定order之後, waiter就送上暖既包, 普通個啲包無咩特別, 但係黑色個果好味呀, 食落有少少甜味, 有啲似Outback個啲rye bread!!

 

4個人就order咗2個appertizer, 呢晚我地4個女仔就一人一個main dish,, 我就試咗羊架啦. 味道不過不失, 無咩驚喜! 

 

甜品時間啦, 正當我地問manager攞menu既時候, 經理主動話送個"焗蘋果酥"俾我地, 保證好食 , 當時真係唔知佢講真定講笑, 唔好理啦, 食咗先啦!! 另外我地再點個"紅莓拿破崙".

個"焗蘋果酥"唔係講笑, 真係好好食, 可以話係全晚成餐飯最好食最有驚喜!!! 另外個紅莓拿破崙都ok, 但係同焗蘋果酥相比就輸咗啦!!! 到埋單時, 個"焗蘋果酥"真係free架, 我出去食飯, 除咗酒樓送糖水之外, 今次都真係第一次食西餐送dessert啦!!!

食飽飽之後, 一行4人就行去棉登徑個邊進發啦. 是但揀間啦, 我地就撞咗入一間叫Cloudnine既酒吧, 星期六既日子一路飲紅酒一邊girls talk, 好似sex and the city呀!!!! (咗入戲, 痴咗線)

 

感謝 莎拉蛋糕 提供以上資料
莎拉蛋糕的網誌 http://sarahcakeblog.blogspot.hk/