我地又返嚟明洞開餐啦, 今日last day, 我想食韓燒呀!!!! 求其揀間啦, 哈哈哈, 我地就揀咗間門口有三個大水煲做裝飾, 入到去就order咗一客牛及一客豬既韓燒, 之後待應就攞咗二個竹筒嚟, 咩東東呢????原來係木炭竹筒飯, 飯面真係有嚿木炭, 而啲飯入便有白果及紅棗, 甜甜地好好食呀!!!
而佢地既前菜都有8款, 都好好味, 而韓燒都not bad!!! 係首爾臨走前都要"lam"番個韓燒, 真係不枉此行.
好啦, 番走店攞行李, 之後就行去巴士站等機場巴士啦, 等車期間, 無無聊聊, 我就係度扮"新假期"啲模dai係街度影snap shot, 超低能!!!
兩個人去旅行, 最麻煩就莫過於係影合照啦, 所以啲合照相少之有少, 自拍就最方便, 好可惜我部相機唔夠wide, 影得塊面好肥, 好多時影完, 謝菲都話唔滿意. 呢張相好難得架啦!
去到機場check in後, 真係捉鬼入肚, 有啲肚餓喎, 又未上得機, heehee, 食啲嘢啦! 之前係市區既時間都見過呢間韓國本地麥噹噹"Lotteria", 但就無機會試, 好彩機場有, 仲有機會試.
Order咗之後, 就會俾個pager我, 當啲嘢食ready既時候, pager就會響, 好方便呀!!! 香港應該引入啦!
Lotteria既burger有啲似mos burger, 但就沒mos burger咁好味, 無咩驚喜, 試過就算啦!!!
食飽上機啦, byebye 首爾!!!!!
