婚禮之後, 經過一晚既休息, 叉番足電, 我地10am就起身啦, 一啦開個窗簾, 嘩, 個海景好靚, 不枉我book兩晚stay係呢間房. 婚宴過後, 就直接上房, 啲嘢可以慢慢執.
酒店就送咗個早餐俾我地, 可以揀落下面餐廳食或者係Room service, 我就揀咗留係房食啦, 可以同老公對住個Seaview慢慢嘆呀嗎.
當送到嚟時, 嘩,,,真係好似拍戲咁, 個setting仲勁過昨晚個消夜set up. 真係要慢慢enjoy!!
啲生果好fresh, 而啲pastry款式又多, 個個都好好食呀, 經過婚禮前既on diet, 真係好耐都未食過咁豐富既早餐!!! 好似解禁一樣!!!
食飽個早餐之後, 就要開始執埋啲手尾啦.
昨晚既人情就用個百佳膠袋裝住, wakaka, 要袋好先走得!!!
而昨晚拆backdrop時, 間decoration見我地仲係度, 就問我地要唔要番個name board, 雖然我地唔會攞番屋企, 但攞上房影番張相作記念都好呀!
好彩我地可以late check out至4pm, 啲時間真係剛剛好!!! 因為有啲地方要係3pm之前還嘢, 有啲就要3pm才可以還. 好彩所有既鋪頭都係尖沙咀咋!!! 所以當日既行程係先去3pm前要還既鋪頭先, 之後番酒店check out才去埋最後一間鋪頭還衫, 最後搞掂晒已經係5pm啦!!!!
當我地搭巴士番屋企時, 我同老公都一齊瞓著咗, 一醒嚟已經係總站啦,,,,,,,,於是就好低能咁搭番回頭車啦!!! 真係好累呀,,,,,我之後瞓足兩日都好似補唔番結婚果個星期既超級睡眠不足呀!!!!
