係時候輪到開始寫商戶評分啦!
**************************************************
商戶: 黃家興律師
**************************************************
係搵證婚律師呢一part, 我主要都係search其他JM所搵個幾個大熱律師, 一搵之下, 發現佢地個價錢有啲原來可以好貴, 有啲要成$5000, 太貴既我覺得唔係太值得, 所以最後我選擇咗黃家興律師, 佢既證婚價錢係$3000, 價錢合理, 加上網上用家對佢既評語都唔錯, 所以我好快就決定揀佢!!!
佢個office係旺角, 所以好方便, 上去交錢, 交文件時, 本來諗住可以同黃律師見一見, 但最後我地都見佢唔到. 而黃律師既assisstant就俾咗份form我地填, 內容係要求我地填一填我地相識既過程, 難忘既事情等等!! 哈哈哈, 當時突然之間要寫出嚟,,,真係好難寫, 我同謝菲仲係咁爆笑係度玩!!! 我相信佢係用啲資料去介紹我們用!
而大婚當日, 我們既註冊儀式係2:30pm, 而黃律師已經係2:00pm到達酒店, 好準時呀!!! 而佢就分別向我同謝菲講解個流程. 佢仲叫我放鬆啲, 唔使緊張, 係新娘房休息下先.
不過最搞笑係, 黃律師同我地講唔好意思, 因為佢副眼鏡既鏡片係陽光下係會變成茶色呢, 其實我地都沒有所謂, 咁仲型啦!!!
而我之前係律師樓要求個證婚儀式係elegant, 我唔要搞笑搞gag既styel, 而同時因為我唔想宣讀誓詞時望住張紙嚟讀, 我想大家望住對方嚟宣讀呢一段咁重要既誓詞, 所以我要求律師講一句而我就跟住講. 上述2樣嘢黃律師通通都無問題!!! 而佢介紹我地及期間所講既嘢, 全部恰到好處!!! 讚呀!!!
網址:
