我地結婚後都係時候要返去佢鄉下祠堂拜祖先啦, 謝菲既鄉下係惠州, 而原來佢都好耐無返過去, 對上一次已經係佢幾歲既時候, 而我就從來都未去過惠州, 哈哈哈, 所以我地兩個就當惠州兩天遊!!!
我地經羅湖再轉巴士上惠州, 到達既時候都差唔多4pm, 我地由巴士站行去酒店, 哈哈哈, 沿途係西湖旁邊, 見到呢個露天桌球, 正呀!!!!!!忍唔住要停低影番張相.
一場嚟到惠州著名景點西湖, 當時要影番張到此一遊既相啦!!!
好耐都無睇過日落啦, 原來惠州西湖既日落都唔錯!!!
第二日一早, 我地就搭30分鐘的士去佢地既鄉下"述古村". 雖然只係30分鐘車程, 但係原來條村真係好簡樸. 有啲似我20幾年前返鄉下既feel!!! 呢度就係謝菲伯父及伯娘住既屋啦!
最surprise係佢地原來仲係燒柴, 呢啲廚房係我印象中細個時見一次呀!!! 估唔到今日都仲見到!
簡單既敬茶儀式當然唔少得!!!
跟住就係拜神儀式+燒炮仗啦!!!
估唔到係條村都有個陶氏家祠, 好勁呀, 我都係第一次去祠堂咋! 真係好中國風!!!
謝菲既伯父及伯娘生活真係好簡單, 屋後有一幅地, 佢地就自己種菜, 真係100% organic, 有荷蘭豆, 油麥菜, 菜芯, 包心椰菜, 紅蘿蔔, 薯仔, 生菜.......等等, 真係食都食唔晒. 而佢地又自己養雞, 又有個魚塘, 真係自給自足.
中午既lunch好豐富, 好好食, 因為所有餸菜都係100%自家製!!! 好健康架!!! 雖然呢度沒有wifi, 沒有internet, 但有時可以過番一兩日呢啲簡單生活都幾好!!!
