婚宴送客後, 搞埋張單, 都已經係12am啦, 返上酒店房仲見到我當晚兩位服侍就到既近身妹仔Serena 及 Wendy, 當然要影返張攬攬抱抱既相啦.
而當晚講咗段超好笑爆咗謝菲好多秘密既speech既謝菲表弟Peter, 都係埋到, 睇吓有咩嘢要幫手拎走, 真係唔該晒呀!
所有人走晒之後, 我就開始pack定啲嘢入喼, 攪吓攪吓已經係2am啦, 原來凌晨既維港同平時見係有啲唔同, 多咗一份寧靜!
係呢個時候終於有肚餓既感覺啦, 鬼咩, 成晚只係食咗兩件乳豬咋!!!
當然我緊係叫人pack起啲菜留番夜晚同老公晚晚嘆啦!!! 而海景嘉福酒店既service真係一流呀, 我地call room service想heat番啲嘢食, 大約30min後就送番嚟啦, 嘩成架餐車推番嚟, 唔好意思, 我真係大鄉里, 咁大個女都係第一次享受呢種service咋!!! 而酒店唔係單單就咁叮番啲嘢食, 有部份係焗既菜式就會焗番俾我地, 真係好鬼細心!!!讚呀!!!
哈哈, 我呢位新任陶太, 沖完涼後就掛住係度sms回覆朋友們既message.
開餐啦, 同老公cheers先, 唔好以為係香檳, 其實係蘋果蘆薈嚟架.
哈哈哈!!!!我地好低能呀!!!!
平時去飲都唔覺得特別好食, 但係當晚係酒店房, 雖然係heat番熱, 但
都好好食呀, 好回味!!!!
食完我地既晚餐+消夜都已經係3:30am, 真係好眼瞓呀, 我差唔多一路食一路瞓!!! 一上床, 唔夠10秒就瞓著啦!!!! 一個字形容: 累!!!
