經過上午既出門及入門儀式, 已經係中午12pm. 我係酒店食咗少少嘢後, 就要急不及待轉婚紗. 其實之前已經影過2次pre-wedding, 但結婚當日穿上婚紗既感覺係完全唔同. 特別係帶上頭紗後, 就真正feel到緊張.
去到帝京酒店, 就入咗去新娘房休息吓, 因為當日都幾凍, 室外氣溫只有15C, 好彩有太陽, 都好少少, 但因為空中花園既位置都幾猛風, 所以當日個個都問我凍唔凍, 哈哈哈, 其實當時行禮証婚時其實真係唔覺凍, 都當之後影相時就開始凍到有啲震啦!!!
準備行禮之前, 影番張造影look先!!!
好啦, 爸爸帶我進場啦, 當時個刻見到所有人既目光都在自己身上, 感覺到大家對自己既祝福, 又開心又緊張又興奮.
之前我都有諗過, 到底自己註冊當日會唔會喊呢!!!!??? 其實當謝菲宣讀佢既誓詞時, 當我有一刻想喊既衝動既時間, 謝菲宣讀時有啲甩漏, 所以想喊既眼淚就收番晒!!! 而到我宣讀誓詞時, 我都有少少想喊, 但最後都忍得住!!!
禮成就當然要嚟個first kiss of Mr & Mrs Tao啦!
呢個就係幫我地証婚既黃家興律師, 我覺得佢做得唔錯, 價錢又唔係太貴, 幾好架!
我之前買既泡泡水就係希望用嚟做到呢種效果啦!!! 以陶生及陶太既身份進場, 兩旁既親戚朋友吹啲泡泡水, 過氣氛好正!!
而當日除咗有我有拋花球俾啲姊姊阱外, 謝菲就按照外國傳統, 佢就除咗我既襪帶拋俾單身既兄弟.
當場要嚟番張兄弟姊妹團大合照!
而攪吓笑玩嘢既相當然要影吓啦!
