由 abbyanna 於 2011-07-29 16:10:14 發表 | 累積瀏覽 324
其實我真係一直都好懶去搽甲油,直至上一,兩個月開始,我敗敗下家時,驚見街上的美少女,高貴OL,BLING BLING衫師奶同埋各個BLOG友的放火甲文,
終於-->
我'的'起心肝,進一步更貪靚,漫延至我的指甲上,見到好多SIS都返大陸搵美甲師,最近好熱又未有BUDDY,咁就要自己整啦~
竟然!!!!都比我搵到好野~我真係<專業>敗家精呀!有好野都要試左先介紹比大家,我用左2星期去試呢個產品,大約一星期換一次色,搽得唔好,大家見諒哦...
第一星期: 甲虫甲
先搽右面的.....
搽一層
搽兩層
桃子是NUDE色,好岩OL,先搽2層做打底之用,ONLY搽佢都靚呀!不過我剪得D甲太短,所以加左少少花上去....
所謂的花,其實係隨意點上去的甲虫點點,香橙係偏紅D
媽咪已經HOLD左,要我幫佢搽腳甲(比我仲懶,要我幫手搽~出錢又出力幫佢啦~)
之後,懶人如我,未買到TOP面油,索性唔搽,以便測試佢的持久度....(多多籍口~^^)
如此一來,已經一星期....
好驚喜!!!只係甩左D邊位同埋少少花左(限:我係做文職,室內工作,唔使做家務,亦無去游水個D)
不過,比平時個D甲油算持久了...平時的KEEP3日吧?!
再...剛搽完的頭3-4日都係有香味,因為2溝,我唔係好知單色的味,不過係甜甜地的香水味咁~係屋企搽呀媽都無聞到臭味而話我呀!
再試下易卸度先~ (神秘洗甲水下次再話比大家知係咩牌子...都係好野~HEHE)
一次的卸甲後...甩左7成左右:
加多D洗甲再加多D力水, 已經甩晒:
總論: 好易甩!!!洗完之後,D甲無變黃又無軟到~感覺上,無咁傷甲~!
再黎...咁好用的東東,當然要-->即時囤囤囤囤囤~
再小囤2枝,咁樣呀媽無咁覺我又買野...(笑)
今次入左D大膽成熟FEEL的,襯下OL LOOK!
入左幻彩藍的海洋+高貴紫的葡萄
先黎又試我至愛的紫色先~
搽一次: 淡色少少...LADY D,斯文女岩晒~!
不過,我係浮誇人,梗係搽多幾層!!!
搽兩次...都夠出色了...
搽三次,好滿意隻色~就停手啦~^^
平時個D甲油搽多幾層會起泡泡/好厚+浮起,REVLON呢隻又無WOR(又要讚!!!!)
可能係個掃夠長又可以控制到D甲油的份量
之後,又係唔搽面油都咁光滑又夠'令'身,完成了:
今次單色聞到係咩味啦~~~提子,真係提子味,無呃我WOR!
講左咁耐,都未正式介紹佢地:
REVLON今夏推出限量版香味甲油。
有8款新色甲油,開架品~
任你去SA SA,WATSON'S,MANNING等地大試特試~
價錢? 可愛到暈,大大枝承惠 $29個大洋咋!
下星期可能打包埋其他幾色先~
想知OCEAN咩色?咩味?
想知我用咩洗甲?
緊貼我個BLOG啦~謝謝~
唔講唔知的...甲油+REVLON的小資訊:
1. 其實古埃及人很早亦用上由花卉製成的色素塗於甲上，更會用指甲的顏色去代表社會地位，若指甲愈紅代表身份愈高，當中男士同樣為表身份地位亦會塗上甲油。(所以,唔好笑人搽到好紅甲油,可能人地係貴族!)
2. REVLON的首個產品是歷史上的第一支顯色不透明指甲油
3. REVLON的中文譯名「露華濃」是由音樂鬼才黃霑先生命名，他引用了詩聖李白《清平調．其一》中的名句：「雲想衣裳花想容，春風拂檻露華濃。」意指難得的清麗動人。(黃生係做廣告出身,都係我偶像之一,佢諗的口號同幫外國品牌改的名都好有料到,好似<潔廁得>都係佢諗架~好貼切的名!)
4. 在市場經歷了七十多年的REVLON，始於一九三二年，由當年只有二十六歲的Charles Revson一手創辦。 (好勁,我都係細佢少少,都未做老闆!!!做住小小BLOGGER分享下扮靚心得咋...要努力先得~!)
