早前老友推介柏麗灣有間好味餐廳,
淨係見到張"德國烤豬手"相片, 就覺得一定要去食番餐喇!
星期六下午, 諗住早少少到,
等大小b可以去沙灘玩下先食飯,
點知途中遇著傾盆大雨, 被困屋簷下大半個鐘有多.
落雨濕濕, 唯有早點食晚飯,
無得玩沙, 大小b當堂無晒表情,
好彩檯面有杯蠟燭, 可以引番佢地開心咋!
(下圖) 先來麵包及沙律, 麵包非常好味道!
(下圖) 雜錦腸, 通常都一定好味!
(下圖) 焗薯塊, ok啦~
(下圖) 烤豬手, 外面烤得香脆, 內裡鹹香惹味, 不枉此行!!!
(下圖) 唔多起眼的薯茸, 但非常好味, 充滿新鮮薯仔香!
(下圖) 還有烤雞, 食到小b lam lam脷!
(下圖) 試飲啤酒, 大b唔多喜歡, 不過小b話好味喎~
(下圖) 我成杯清晒, 仍然面不改容, 哈~因為得0.4%酒精咋~
(下圖) 食埋甜品, 好滿足!
(下圖) 食飽飽去沙灘散步, 黃昏景色一流呀!
(下圖) 老公, 送埋個靚景畀你, 生日快樂!
感謝 小胡子 提供以上資料
小胡子的網誌 http://little-wugi.blogspot.hk/
