仲記得我寫第一篇BLOG的時候,真係雜亂無章, 唔見得人…
到依家天天都有4-50個SIS的留言及支持, 真係完全無諗過自己可以做到咁!
其實今天不打算出文, 可惜有好心的SIS又再向我報料, 我à又比人擺左上抬!
之前都有人抄我的文à已經有水印都要偷我D相, 文字更加COPY AND PASTE
[我都息事寧人,可能人地有苦衷/唔想打咁多字, 大家一齊玩BLOG無謂傷和氣]
又,
有人在某FORUM的 ‘8掛’版, 話我地所有BLOGGERS都係賣廣告
[我地係親身試, 用心評, 好壞我都一定寫, 又公開比你留言, 有質問請自己當面問,唔好好似小人咁, 夠膽寫人唔敢對質]
又,
背後笑人POST出既文/相, 有SIS話前排有人將人地的問題/苦況登出黎踩另一間公司, 讚自己個間, 我今日睇,又唔見左…
[明顯有人作賊心虛,擦完鞋火速毀滅證據!!! 至憎D人搞小動作, 大家河水不犯井水, 日後留一線好WOR…]
我唔係要幫人出頭, 識我的BLOGGERS都知我份人笑笑笑左就算,唔係咁煩的女人…可惜,今次忍唔住, 要發下言, 希望大家見諒!
寫BLOG係為左分享大家所見所聞, 而唔係勾心鬥角, 每人遇到的/試到的美容產品/服務都會有唔同意見/感受, 好似你中意食榴槤,就話係極品, 我唔食就一定話臭+難頂, 我都係個句:[你試左先算,唔使一定要幫襯], 我O岩又唔=你O岩, 日後我仍然會努力出文, 為大家找尋更多扮靚及美麗心得, 亦希望各位SIS手下留情, 易地而處,你便不會再起風波, 己所不欲, 勿施於人, 我敢認我從來無攻擊/傷害過大家/對方公司, 共勉之, 謝謝。