o係返學前快快手寫一寫我兩個月前既韓國遊記先
終於可以開始寫第一日啦 !!!!!! 執相既時候 越睇就越掛住韓國
好想快d再去過韓國呀 XDDD
行程係同同學仔一齊編排
而後期準備功夫就係我自己準備既 為左個trip萬無一失
今次我準備左成31頁的天書呢 XDDD
有左天書之後 咩旅遊書都真係唔洗再用~~
雖然今次有d地方去唔到 有d野食食唔到
但都好開心好完滿架啦XDD
♥ 2013 韓 .首爾瘋狂之旅 . Day 1 (上) ♥
2013.9.1 - 2013.9.7
凌晨機 -> 酒店 -> 鷺梁津水產市場 -> 明洞血併 -> 酒店 -> 晚餐 -> 酒店
約左朋友仔10:30 o係香港機場度集合
齊人之後就去check-in啦
我地今次揀左韓亞航空 聽韓國既朋友講韓亞o係韓國係top1既航空公司呢
check完in之後o係機場買左小小野食 因為都仲有一段時間先有飛機餐食
食完野之後就去登機口等上機啦
次次都趕頭趕命冇影上機前必影位XDD
今次終於影到啦 hahahaha 個樣都尚算精神
今次係我第一次搭凌晨機呢
都有d擔心我訓唔訓得著XDD
依架就係我地要搭既飛機呢~~~冇Delay好準時呢
平時搭廉航 好似都冇被仔比既~~
所以我覺得韓亞service幾唔錯 XDD
好now仔咁發現 飛機上可以差電既 !!!!!!?
我同同行既朋友都係第一次見 haha
起飛冇耐就派飛機餐
有兩款揀 我揀左"牛腩"意粉
之前聽朋友講 韓亞既飛機餐唔好食
但我食過之後又覺得都唔係咁差姐
可能我對上一次食飛機餐已經係好耐既事 (上次去泰國係冇飛機餐)
反而我覺得個橙汁好難飲 之後回程叫左可樂飲 haha
而甜品係蜜桃蛋糕
朋友唔想夜晚食咁濃味既野 所以叫左粥食
空姐派左豉油比人撈粥食
朋友比返黎既食評係 個粥唔好味 好淡
食飽飽已經差唔多兩點左右
但點都要搵d野睇下先開心既XDD
睇左我最近好鍾意睇既韓國綜藝節目「爸爸,我們去哪兒?」
雖然冇字幕但因為我已經睇過所以都係好好睇
推介比大家睇 !!!!!!
我完全訓唔著呀!!!!!! 而且架機好焗
就算坐o係度都好辛苦~~~~ /_ 坐到好攰
離降落差唔多仲有半個鐘 同行既朋友仔都醒左
就一齊欣賞下飛機出面既景色~~
好靚呀~~雖然睇唔到完整既日出
但我已經好滿足 我仲影到月亮呢 wakaka
終於都落機啦~~雖然成晚冇訓但仍然好興奮
因為我終於可以黎到我近幾年來最愛既國家~~~~韓國啦
拎完行李出黎第一時間就要準備以下幾樣事項
1. 兌錢
o係韓巢網Download優惠劵 咁o係機場兌錢就可以免手續費架啦^-^
機場兌到1:136
2. 買T-Money
我地o係GS25買T-Money
單買一張T-Money要3000W 然後再要加錢入去
3. 租wifi-egg
亦都係o係韓巢網Download優惠劵同埋預訂定wifi-egg
用左優惠劵可以平幾十蚊架 慳埋慳埋又可以買多d野呀mah
身上有錢之後就去買埋早餐食先~~
一人一個三個飯團同埋一人一支飲品
我飲左士多啤梨奶呢 !!! 第一次飲 !!!
同香蕉奶一樣好好飲呢 XDD
搭完凌晨機個樣好殘呢請見諒 ...
一路食早餐一路等機場巴士 (往明洞方向)
上網print定coupon 又可以減1000W呢
用左coupon就9000W一位
記得係一人一張coupon 幾多個人就印幾多張^-^
提提你地 6015巴士站o係5B 或 12A
車程大既65分鐘左右
我地揀左o係首爾站落車 再o係首爾站轉地鐵去酒店放低行李先
一直都好驚會唔識落車所以唔敢訓教呀>-<
首爾站既建築風格我都幾鍾意
所以停低影張相先~~~
韓國地鐵 同香港相比其實都好似冇咩分別
我地今次住既酒店係遙遠既回基站
因為想四個人一間房 嚴格黎講應該係五個人一間房先岩 (韓國朋友黎同我地一齊訓左五晚)
四人房選擇唔係好多 同埋開頭o係agoda訂房時
見到間酒店o係東大門區架嘛 所以以為好近 XDDD
因為唔建議大家住依間酒店 太遠啦 所以唔教大家點行去酒店啦
每一日行返去酒店既路都會見到另一間酒店外牆好靚好靚
勁鍾意 日日見到都仲係覺得好靚 haha
放低行李之後就出發去第一個景點
鷺梁津水產市場
第一餐就食海鮮真係好crazy呀 !!! haha
於回基站(K118)乘一號線(往仁川方向)到達鷺梁津站(136)
鷺梁津站其實得一個出口架渣
出口出面係個三岔口 往紅色箭嘴方向上橋
在橋的另一端就係水產市場入口
繼續向前行 行到盡頭之後有箭咀指向樓梯口
落樓梯後 向下一望就見到好多好多間海鮮店啦
都幾壯觀下 XDD
因為同行有韓國人 所以溝通唔係問題
感覺上應該冇比人呃既
行左好多間 問下價錢 最終搵到間相對較平既店
d蝦大大隻 我好似都係第一次見咁大隻蝦
o係同一間店揀左三樣海鮮 之後佢地就帶我地去加工既餐廳食啦
我地叫左五隻蝦 五隻鮑魚 同埋 一隻皇帝蟹
冇記錯的話 計埋加工費總共116000W 圍返港紙大概每人百幾蚊
其實依家諗返起我地應該可以再食多D都得
因為就住就住洗 所以冇食得好瘋狂
見到咁大隻蟹真係好興奮~~~
下次黎韓國再過黎食你下 >0<
食到半飽之後我地就出發去明洞啦 XDDD
to be continued ^-^
